މިމަހުގެ ހަތަރު ވަނަ ދުވަހު ބޭއްވި ލޯކަލް ކައުންސިލް އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު ކާމިޔާބު ކުރީ ވެރިކަންކުރާ ޕީއެންސީންކަމަށް ރާއްޖެއިން ޖަޕާނަށް ކަނޑައަޅުއްވާފައި ހުންނަވާ ސަފީރު އަހުމަދު މަހުލޫފް ވިދާޅުވެއްޖެއެވެ.

މަޙްލޫފް މިފަދައިން ވިދާޅުވީ ރޭ މީސްމީޑިއާގައި ކުރެއްވި ޕޯސްޓެއްގައެވެ. އޭނާ ވަނީ އިންތިޚާބުގެ ނަތީޖާއާ ގުޅޭގޮތުން ވާހަކަދައްކަވަމުން، ޕީއެންސީއަށް ލިބުނު ކާމިޔާބީ ފާހަގަކުރައްވާފައެވެ.

Ad by Hajj Corporation

މަހްލޫފްގެ ޕޯސްޓްގައި ވިދާޅުވީ ލޯކަލް ކައުންސިލް އިންތިހާބު 581 ގޮނޑި އާއިއެކު ކާމިޔާބުކުރި ޕީއެންސީގެ ކެންޑިޑޭޓުންނަށް މަރުހަބާ ދަންނަވާ ކަމަށެވެ. އަދި މި ކާމިޔާބީއަށްޓަކައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒަށާއި، ޕީއެންސީގެ މެންބަރުންނާއި ވޯޓު ދެއްވި ރައްޔިތުންނަށްވެސް އޭނާ ވަނީ މަރުހަބާ ވިދާޅުވެފައެވެ.

އިންތިޚާބުގެ ނަތީޖާ ހިއްސާކުރައްވަމުން މަހްލޫފް ވިދާޅުވި ގޮތުގައި، ޕީއެންސީން 581 ގޮނޑި ކާމިޔާބުކޮށްފައިވާއިރު، އެމްޑީޕީއަށް ލިބިފައިވަނީ 562 ގޮނޑިއެވެ. މީގެ އިތުރުން އެމްޑީއޭ އިން 24 ގޮނޑި، ޖުމްހޫރީ ޕާޓީން 4 ގޮނޑި އަދި އަދާލަތު ޕާޓީން 6 ގޮނޑި ކާމިޔާބުކޮށްފައިވާކަން އޭނާ ފާހަގަކުރެއްވިއެވެ.

"އާދެ، ލޯކަލް ކައުންސިލް އިންތިހާބު ކާމިޔާބުކުރީ PNC އިންނެވެ." މަހްލޫފް ވިދާޅުވެފަވެއެވެ.