ހުޅުމާލޭ ދެވަނަ ފިޔަވަހީގެ ޓަވަރުތަކަކުން މިއަދު ކަރަންޓު ކެނޑުނީ މަގު ހަދަނިކޮށް ކޭބަލަކަށް ގެއްލުންވުމުން ކަމަށް ސްޓޭޓް އިލެކްޓްރިކް ކޮމްޕެނީ (ސްޓެލްކޯ) އިން ބުނެފިއެވެ.

ސްޓެލްކޯ އިން ކުރި ޕޯސްޓެއްގައި ބުނެފައިވަނީ، ހުޅުމާލެ ދެވަނަ ފިޔަވަހީގެ ބައެއް ސަރަހައްދުތަކުން ކަރަންޓުގެ ހިދުމަތް މެދުކެނޑިފައިވަނީ، މަގު ހެދުމުގެ މަސައްކަތުގެ ތެރެއިން ކޮންނަނިކޮށް ހައި ވޯލްޓޭޖް ކޭބަލަކަށް ލިބުނު ގެއްލުމަކާ ގުޅިގެންކަމަށް ބުނެފައެވެ.

Ad by Hajj Corporation

އަދި ދެވަނަ ފިޔަވަހިން ކަރަންޓުގެ ހިދުމަތް މެދުކެނޑުނު ސަރަހައްދުތަކަށް މިހާރު ދަނީ އަލުން ކަރަންޓުގެ ހިދުމަތް ދެމުން ކަމަށް ވެސް ސްޓެލްކޯ އިން ބުނެފައިވެއެވެ.އަދި ސްޓެލްކޯއިން ވަނީ މިކަމުގެ ސަބަބުން ދިމާވި ދަތިތަކަށްޓަކައި ކަސްޓަމަރުންގެ ކިބައިން މަޢާފަށް އެދިފައެވެ.

ދެވަނަ ފިޔަވަހިން ކަރަންޓު ކެނޑޭ މައްސަލައަށް ދާއިމީ ހައްލެއް ހޯދުމާ ގުޅޭ ގޮތުން ސްޓެލްކޯއިން މިއަދު، ހުޅުމާލެ ބަލަހައްޓާ ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ)އާ ވެސް މަޝްވަރާކޮށްފައިވެއެވެ.