އެމްޑީޕީގެ "ކުއްލި ހަރުގެ ޖަލްސާ" ވެގެންދާނީ ޕާޓީގެ މެންބަރުންގެ މޫނުމަތީގައި ތަފާލަކުން ޖެހުން ކަހަލަ ކަމަކަށް ކަމަށް ކުރީގެ އިކޮނުމިކް މިނިސްޓަރ ފައްޔާޒު އިސްމާއިލް ވިދާޅުވެއެއްޖެއެވެ.

ފައްޔާޒު މިފަދައިން ވިދާޅުވީ،އެމްޑީޕީގެ "ކުއްލި ހަރުގެ ޖަލްސާ"އެއް މިރޭ ބޭއްވުމަށް ނިންމައި އެކަމާ ގުޅޭ ޕޯސްޓަރެއް އެމްޑިޕީގެ މަޖިލިސް މެމްބަރުން ތިއްބަވާ ގުރޫޕްގައި ހިއްސާކުރުމުން އެ ޕޯސްޓަށް ރިޕްލައި ކުރައްވައެވެ.

Ad by Hajj Corporation

ފައްޔާޒު ވިދާޅުވީ،އެމްޑީޕީން މިހާރު ކުރިއަށް ގެންދާ ސިލްސިލާ މުޒާހަރާތަކުން ރައްޔިތުންގެ މަލާމާތް ލިބެމުން އަންނަ ކަމަށާއި އެ މުޒާހަރާތައް ހުއްޓާލަން ޖެހޭ ކަމަށްށެވެ.އަދި ފައްޔާޒު ވަނީ ރައްޔިތުންގެ މަލާމާތް އެމްޑީޕީއަށް ލިބޭނެތީ އެމްޑީޕީގެ މުޒާހަރާ ކުރިއަށް ނުގެންދަން އެދިވަޑައިގަންނަވާ ކަމަށެވެ.

އަދި ޗެއާޕާަސަން އިންތިހާބު ނިމުމުން އަލުން ރޭވުންތެރިކަމާއެކު މުޒަހަރާތައް ހިންގަން ފެނިވަޑައިގަންނަވާ ކަމަށް ވެސް ފައްޔާޒް ވިދާޅުވިއެވެ.

ފައްޔާޒްގެ އެ މަސެޖަށް ރައްދުދެއްވާ، ކުރީގެ ރައީސް މުހައްމަދު ނަޝީދު ވަނީ އެ ވާހަކަތަކަށް ތާއީދު ކުރައްވާ ކަން ހާމަކުރައްވައިފައެވެ.