މަޖިލީހުގެ މާލިއްޔަތު ކޮމެޓީގެ ރިޕޯޓުތަކުން ސަމާލުކަމަށް އަންނަ ޚިޔާނާތްވާ ފައިސާ ހޯދުމަށް މަސައްކަތް ކުރާނަމަ އެފަދަ ކަންކަން މަދުވެގެންދާނެކަމަށް  ހުރާ ދާއިރާގެ މެންބަރު ޑރ. އަނާރާ ނައީމް މިއަދު ވިދާޅުވެއްޖެއެވެ.

އަނާރާ މިހެން ވިދާޅުވީ، މިއަދު އޮތް މަޖިލީހުގެ ޖަލްސާގައި މާލިއްޔަތު ކޮމެޓީގެ ކޮމެޓީ ރިޕޯޓަށް ބަހުސް ކުރަށްވަމުންނެވެ.

Ad by Hajj Corporation

އަނާރާ ފާހަގަކުރެއްވި ގޮތުގައި މާލީ ކަންކަމަކީ ވެސް ވަރަށް ސަމާލުކަން ދޭން ޖެހޭކަމެކެވެ. އަދި މާލީ ގޮތުން ދައުލަތުގެ މުވައްޒަފުން އަދާކުރާ މަސްއޫލިއްޔަތު ވަރަށް ފުރިހަމައަށް އަދާކުރަން ޖެހޭ ކަމަށް އޭނާ ފާހަގަކުރެއްވިއެވެ.

''އެއީ ދައުލަތުގެ ފައިސާ، ރައްޔިތުންގެ ފައިސާ، އެހެންވީމަ އެ ފައިސާތަކަށް ހުރުމަތްތެރިކޮށް ހިތަންޖެހޭ، ހުރިހާ ފަރާތަކުން ވެސް ފައިސާއަށް ރައްކާތެރިވެ ދައުލަތަށް ލިބެންވާ ފައިސާ ހޯދަން އެބަ މަސައްކަތްކުރަންޖެހޭ، ބައެއް ރިޕޯޓުތަކުން އެބަ ސާބިތުވޭ ޚިޔާނާތުގެ މައްސަލަތައް ވެސް، އެފަދަ ހާލަތުގައި އެ ފައިސާ ދައުލަތަށް ލިބޭނެ ގޮތަކަށް ވެސް މަސައްކަތް އެބަ ކުރެވެންޖެހޭ،'' އަނާރާ ވިދާޅުވެފަވެއެވެ.

އަނާރާ ވިދާޅުވީ، އެއީ ވެސް އެފަދަ ޚިޔާނާތްތައް މަދުވުމަށް ހަރުދަނާ ގޮތެއްގައި އެޅިގެންދާނެ ފިޔަވަޅަކަށް ވެގެން ދާނެކަމަށެވެ.