މާލޭގެ އުތުރު ފަރާތު ބޮޑުތަކުރުފާނު މަގު ތަރައްޤީކުރުމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ކުރިއަށްގެންދާ މަޝްރޫޢުގެ ބޮޑު ބައެއް ނިމި، މަސައްކަތް ބާރުމިނުގައި ކުރިއަށްދާކަން އެ ކުންފުނިން ހާމަކޮށްފިއެވެ.

އެމްޓީސީސީން މަޢުލޫމާތު ދިން ގޮތުގައި، މި މަޝްރޫޢުގެ ފުރަތަމަ ފިޔަވަހީގެ ދަށުން ކުރިއަށްދާ މަސައްކަތްތަކުގެ ތެރެއިން، ސެގްމަންޓް 2، 3 އަދި 4 އެއްކޮށް ޖުމްލަ 400 މީޓަރުގެ ސަރަހައްދެއްގައި ޝީޓް ޕައިލް ކުރުމުގެ މަސައްކަތް މިހާރު ވަނީ އެއްކޮށް ނިންމާލެވިފައެވެ. މިއީ އެ ސަރަހައްދުގައި ކުރަންޖެހޭ ޝީޓް ޕައިލް ކުރުމުގެ މަސައްކަތުގެ 76 އިންސައްތައެވެ.

Ad by Hajj Corporation

މަޝްރޫޢުގެ ތަފްޞީލުތަކަށް ބަލާއިރު، ކީވޯލް ކެޕިންގގެ މަސައްކަތްތައް މިދިޔަ ހަފުތާގެ ތެރޭގައި ވަނީ ފަށާފައެވެ. މީގެ އިތުރުން، ސެގްމަންޓް 4 ގައި ހިމެނޭ ދުވާރު ހެދުމުގެ މަސައްކަތާއި، އެ ސަރަހައްދުގައި ގާއިމުކުރާ ޕަންޕް ސްޓޭޝަންގެ ވަޅު ބެހެއްޓުމުގެ މަސައްކަތްވެސް މިހާރު ދަނީ ކުރަމުންނެވެ.

އެމްޓީސީސީން އިތުރަށް ބުނެފައިވަނީ، ބޮޑުތަކުރުފާނު މަގުގެ ނަރުދަމާގެ ނިޒާމު އިތުރަށް ފުރިހަމަކުރުމަށް ކުރަންޖެހޭ މަސައްކަތްތައް މި ހަފުތާގެ ނިޔަލަށް ނިންމުމަށް އަމާޒު ހިފާފައިވާ ކަމަށެވެ. މީގެ އިތުރުން، މަގުގައި ފެން ހޮޅި އެޅުމާއި، ފެން ހިންދާ ވަޅުތައް ހެދުމުގެ މަސައްކަތްވެސް ހުއްޓުމެއް ނެތި ކުރިއަށްދެއެވެ. އަދި އެންކަރ ބްލޮކްތަކާއި ކީވޯލް ޕެނަލްތައް ހަރުކުރުމުގެ މަސައްކަތްތައްވެސް ކުރިއަށްދާކަން އެ ކުންފުނިން ފާހަގަކުރެއެވެ.

މި މަޝްރޫޢަކީ މާލޭގެ އުތުރު ފަރާތުގެ ބޮޑުތަކުރުފާނު މަގަށް ދިމާވެފައިވާ ދަތިތައް ހައްލުކޮށް، މަގުގެ ފެންވަރު ރަނގަޅު ކުރުމަށްޓަކައި ސަރުކާރުން ކުރިއަށްގެންދާ މުހިންމު މަޝްރޫޢެކެ