އިބޯލާ ފެތުރޭތީ އިންޑިއާއަށް ދާއިރު ސެލްފް ޑެކްލަރޭޝަން ފޯމު ހުށަހަޅަން ޖެހޭގޮތަށް އެ ޤައުމުގެ ޑައިރެކްޓޮރޭޓް ޖެނެރަލް އޮފް ސިވިލް އެވިއޭޝަން، ޑީޖީސީއޭއިން ހަމަޖައްސައިފިއެވެ.

މިއީ، ދުނިޔޭގެ ސިއްޙަތު ޖަމިއްޔާ، ޑަބްލިއުއެޗްއޯއިން އިބޯލާ ބައްޔަކީ، ބައިނަލްއަޤްވާމީ ފެންވަރުގައި އާންމު ސިއްހަތަށް އޮތް ކުއްލި ނުރައްކަލެއްގެ ގޮތުގައި ކަނޑައެޅުމާއި ގުޅިގެން ރައްކާތެރިކަމުގެ ގޮތުން އަޅާފައިވާ ފިޔަވަޅެކެވެ.

މި ފިޔަވަޅާއެކު، ދަތުރުކުރާއިރު ފްލައިޓް ތެރޭގައި ސަމާލުކަމަށް ގެންނަންޖެހޭ ކަންކަން އެންގުމާއި، ފަސިންޖަރުން އަމިއްލައަށް ޞިއްޙީ ހާލަތު ބަޔާންކުރާ ސެލްފް-ޑެކްލަރޭޝަން ފޯމު ހުށަހެޅުމަށް ވަނީ އަންގާފައެވެ.

Ad by Hajj Corporation

އިންޑިއާގެ މި ނިންމުމާ ގުޅިގެން ރާއްޖޭގެ ޤައުމީ އެއާލައިން މޯލްޑިވިއަންއިން ވަނީ، މިކަން ފަސިންޖަރުންގެ ސަމާލު ކަމަށް ގެނެސްފައެވެ. ސެލްފް ޑެކްލަރޭޝަން ފޯމް މޯލްޑިވިއަންގެ ވެބްސައިޓުން ލިބޭނެއެވެ.

މި ފޯމު ފުރުމަށްފަހު ހުށަހަޅަން ޖެހޭނީ، އިންޑިއާއަށް ގޮސް އެ ޤައުމުގެ ހެލްތު އެންޑް އިމިގްރޭޝަން ކައުންޓަރަށެވެ.

އިންޑިއާގައި ވަނީ، އިބޯލާ ވައިރަހުގެ އަލާމާތް ހުރި ކަމަށް ބެލެވިގެން ބައެއް މީހުން ޓެސްޓުކޮށްފައެވެ. މިހާތަނަށް ނަތީޖާ ލިބުނު މީހުން ބައްޔަށް ނެގެޓިވް ވިނަމަވެސް ރައްކާތެރިކަމުގެ ގޮތުން އެ މީހުން ކަރަންޓީނުގައި ބައިތިއްބަން ވަނީ ނިންމާފައެވެ.