ލ.ދަނބިދޫއަށް ގިނަ ހިދުމަތްތަކެއް ކޮށްދީފައިވާ، ނިރިލި، ޢަބްދުﷲ ޝަރީފް ނިޔާވުމާގުޅިގެން ރައިސުލްޖުމްހޫރިއްޔާ ޑރ.މުހައްމަދު މުއިއްޒު ތައުޒިޔާ ވިދާޅުވެއްޖެއެވެ.

އެކްސް ގައި ހިއްސާކުރެއްވި ޕޯސްޓެއްގައި ރައިސް ވަނީ،އަލްމަރްޙޫމް ޢަބްދުﷲ ޝަރީފަކީ، ގެދޮރުވެރިކަމާބެހޭ ވުޒާރާގެ ކޯޑިނޭޓަރެއްގެ މަޤާމުގައި، އެމަނިކުފާނުގެ ގާތުގައި މަސައްކަތްކުރެއްވި ބޭފުޅެއް ކަމަށް ވިދާޅުވެފައެވެ. އަދި އަލްމަރްޙޫމް ޢަބްދުﷲ ޝަރީފަކީ ލ.ދަނބިދޫ ކަތީބުކަމާއި ހިންގުމުގެ ދާއިރާގެ މިނޫން ވަޒީފާތައްވެސް އަދާކުރެއްވި ހީވާގި ޚިދުމަތްތެރިއެއްކަން ވެސް ރައިސް ފާހަގަކުރެއްވިއެވެ.

Ad by Hajj Corporation

ރައީސް ވަނީ މާތްﷲގެ ތަނަވަސް ރަޙްމަތުގައި މަރްޙޫމް ޢަބްދުﷲ ޝަރީފް ލަހައްޓަވައި ސުވަރުގޭގެ ދާއިމީ ނިޢުމަތް ދެއްވުން އެދި ދުޢާކުރައްވާފައެވެ. އަދި މަރްޙޫމް ޢަބްދުﷲ ޝަރީފް ޢާއިލާއަށް ރައިސް ވަނީ ތަޢުޒިޔާ ދަންނަވާފައެވެ.