މިއަދު ކުރިއަށްދާ ހިތަދޫ ބައި-އިލެކްޝަން، އެޗްއާރްސީއެމް އިން މޮނިޓަރ ކުރާނެ ކަމަށް އެ ކޮމިޝަނުން ބުނެފިއެވެ.

ހިއުމަން ރައިޓްސް ކޮމިޝަން (އެޗްއާރްސީއެމް) އިން ބުނީ މި އިންތިޚާބުގެ ކަންކަން މޮނިޓަރ ކުރުމަށްޓަކައި އެ ކޮމިޝަންގެ މުވައްޒަފުން މާލެ ސިޓީއާއި އައްޑޫ ސިޓީގައި ވެސް ހަރަކާތްތެރިވަމުން އަންނަކަމަށެވެ. އަދި އިންތިޚާބުގައި ބަހައްޓާފައިވާ ވޯޓުފޮށިތައް އޮބްޒާވް ކުރުމުގެ މަސައްކަތް ހެނދުނު 6:30 އިން ފެށިގެން އެ ކޮމިޝަނުން ކުރިއަށް ގެންދާނެ ކަމަށް ވަނީ ބުނެފައެވެ.

Ad by Hajj Corporation

މީގެއިތުރުން ވޯޓުލުން ނިންމާލުމަށްފަހު، ވޯޓު ގުނުމުގެ އެންމެހާ މަސައްކަތްތައް ނިމެންދެން އެ ކޮމިޝަންގެ މުވައްޒަފުން މޮނިޓަރކުރާނެ ކަަމަށް ވެސް ވަނީ ބުނެފައެވެ.

ރާއްޖޭގައި ބާއްވާ އިންތިހާބުތައް އެ ކޮމިޝަނުން އަންނަނީ މޮނިޓަރ ކުރަމުންނެވެ.