ގދ. ގައްދޫން މަހަށް ގޮސް އުޅެނިކޮށް ގެއްލުނު މީހަކު ނިޔާވެއްޖެއެވެ.

ފުލުހުން ބުނިގޮތުގައި މަސްދޯންޏެއްގައި މަހަށް ގޮސް އުޅުނު މީހަކު ގެއްލިފައިވާ ކަމުގެ މައުލޫމާތު މިއަދު 05:40 އެހައިކަންހާއިރު ފުލުހުންނަށް ވަނީ ރިޕޯޓުކޮށްފައެވެ.

Ad by Hajj Corporation

އޭނާ ހޯދުމަށް ކުރި މަސައްކަތުން، މޫދު އަޑީގައި އޮއްވާ ފެނިގެން ގދ. ގައްދޫ ސިއްހީ މަރުކަޒަށް ގެންދިޔަ އިރުވެސް ނިޔާވެފައިވާ ކަމަށް ސިއްހީ މަރުކަޒުން ވަނީ މައުލޫމާތުދީފައެވެ.

ނިޔާވެފައި ވަނީ ގދ. ގައްދޫ އޭޝިޔާ، އުމުރުން 44 އަހަރުގެ އިސްޙާޤު ރަޝީދުއެވެ.

 އިސްޙާޤު ރަޝީދު ގެއްލުނީ އެރަށްކައިރީ އޮންނަ މާވެއްދޫ މައިފަރު ބޭރުގައި އެންދަމަން ފައިބައިގެން އުޅެނިކޮށްކަމަށް ވަނީ މައުލޫމާތު ލިބިފައެވެ.