އުތުރުގެ އެކި ހިސާބުތަކަށް ވިއްސާރަ ކުރުމާއެކު ގުގުރާނެ ކަމަށް މެޓް އޮފީހުން ހާމަކޮށްފިއެވެ.

މެޓް އޮފީހުން ނެރެފައިވާ މޫސުން ބުލެޓިންގައި ދެކުނާއި މެދުރާއްޖެތެރޭގެ ބައެއް ރަށްތަކަށް ވެސް ކެރީގެ އަސަރު ފޯރާނެ ކަމަށާއި ބައެއް ހިސާބުތަަަކަށް ގުގުރާނެ ކަމަށެވެ. އަދި ވައި ޖެހޭނީ ހުޅަނގު ދެކުނާއި ހުޅަނގުން ކަމަށާއި އުތުރާއި މެދުރާއްޖެތެރޭގެ އަތޮޅުތަކަށް ގަޑިއަކު 10 މޭލާއި 20 މޭލާ ދެމެދުގެ ބާރުގައި ވައި ޖެހޭނެ ކަމަށް ވެސް ބުނެއެވެ.

Ad by Hajj Corporation

މީގެއިތުރުން ދެކުނުގެ އަތޮޅުތަކަށް ގަޑިއަކު 5 މޭލާއި 15 މޭލާ ދެމެދުގެ ބާރުމިނުގައި ވައި ޖެހޭނެ ކަމަށާއި ވިލާގަނޑުގައި ގަޑިއަކު 15 މޭލަށް ވައިގަދަވާނެ ކަމަަށް ވެސް މެޓުން ބުނެއެވެ. އަދި މެދުރާއްޖެތެރެއާއި އުތުރުގެ ކަނޑުތައް އާދައިގެ ވަރަކަށް ގަދަވާނެކަމަށް ލަފާކުރެވޭ ކަމަށާއި ދެކުނުގެ ކަނޑުތައް އާންމުގޮތެއްގައި މަޑުވިޔަސް، ވިލާގަނޑުގައި ގަދަވާނެ ކަމަށް ވަނީ ހާމަކޮށްފައެވެ.

މެޓުން އިތުރަށް ބުނީ ރާޅުގެ އުސްމިން މެދުރާއްޖެތެރެއާއި އުތުރުގައި ހުންނާނީ 3 ފޫޓާއި 6 ފޫޓާ ދެމެދުގައި ކަމަށާއި ދެކުނުގައި ހުންނާނީ 2 ފޫޓާއި 4 ފޫޓުގައި ކަމަށެވެ.