ބޭންކް އޮފް މޯލްޑިވްސް (ބީއެމްއެލް) އިން ފުވައްމުލައް ސިޓީގެ އެއާޕޯޓުގައި އައު އޭޓީއެމްއެއް މިއަދު ހުޅުވައިފިއެވެ. މިއީ އެ ސިޓީގައި ދިރިއުޅޭ ރައްޔިތުންނަށާއި އެ ސިޓީއަށް ޒިޔާރަތްކުރާ ފަރާތްތަކަށް ބޭންކިންގް ހިދުމަތްތައް ފަސޭހަކަމާއެކު ފޯރުކޮށްދިނުމަށް އެ ބޭންކުން ކުރަމުންދާ މަސައްކަތުގެ ދަށުން ގާއިމުކުރި އޭޓީއެމްއެކެވެ.

މިއަދު ހުޅުވުނު މި އޭޓީއެމްއާއެކު، ފުވައްމުލައް ސިޓީގައި ގާއިމުކުރެވިފައިވާ ބީއެމްއެލްގެ އޭޓީއެމްތަކުގެ އަދަދު މިހާރު ވަނީ 4 އަށް އިތުރުވެފައެވެ. މީގެ ތެރޭގައި ހިމެނެނީ ދިވެހި ރުފިޔާ ނެގުމަށް ހާއްސަ 3 އޭޓީއެމް އާއި ޔޫއެސް ޑޮލަރު ނެގުމަށް ހާއްސަކުރެވިފައިވާ 1 އޭޓީއެމްއެވެ.

Ad by Hajj Corporation

މި އައު އޭޓީއެމްގެ ސަބަބުން އެއާޕޯޓުން ދަތުރުކުރާ ފަރާތްތަކަށް ފައިސާ ނެގުމާއި އެހެނިހެން އަސާސީ ބޭންކިންގް ހިދުމަތްތައް ހޯދުމުގައި ބޮޑެތި ލުއިފަސޭހަތަކެއް ލިބިގެންދާނެއެވެ. ބޭންކް އޮފް މޯލްޑިވްސް އިން ދަނީ ރާއްޖޭގެ އެކި ކަންކޮޅުތަކުގައި އެ ބޭންކުގެ ހިދުމަތްތައް ފުޅާކޮށް، ކަސްޓަމަރުންނަށް ލުއިފަސޭހަ ގޮތްތައް މަގުފަހިކޮށްދެމުންނެވެ.