ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެ ރަށުގެ ރައްޔިތުންނަށް ވެވަޑައިގެންނެވި ވަޢުދުފުޅާ އެއްގޮތަށް، މާކުރަތުގައި އަލަށް ތަރައްޤީކުރި ފުޓްސަލް ދަނޑު ރަސްމީކޮށް ހުޅުވައިފިއެވެ.

މި ދަނޑު ހުޅުއްވައިދެއްވީ މިކަމަށްޓަކައި މާކުރަތުގައި ބޭއްވި ޚާއްޞަ ރަސްމިއްޔާތެއްގައި، ޒުވާނުން ބާރުވެރިކުރުވުމާއި ކުޅިވަރާއި ހަށިހެޔޮކަމާބެހޭ ވަޒީރު ޢަބްދުﷲ ރާފިޢުއެވެ.

Ad by Hajj Corporation

މާކުރަތުގައި ހުޅުވިގެންދިޔަ މި ފުޓްސަލް ދަނޑަކީ، މިދިޔަ އަހަރު ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެ ރަށަށް ކުރެއްވި ދަތުރުފުޅުގައި ރަށުގެ ރައްޔިތުންނާއި ޒުވާނުން އެދިވަޑައިގެންނެވި ކަންކަމަށް ރިޢާޔަތްކުރައްވައި ވެވަޑައިގެންނެވި ވަޢުދުފުޅެކެވެ. ރައީސުލްޖުމްހޫރިއްޔާގެ އިރުޝާދުގެ ދަށުން، ސަރުކާރުން ވަނީ ރަށުގެ ރައްޔިތުން އެދިވަޑައިގެންނެވި ގޮތަށް ވަރަށް ކުޑަ ދުވަސްކޮޅެއްގެ ތެރޭގައި މި މަސައްކަތް ނިންމައި، ޒުވާނުންނަށް ކުޅިވަރު ކުޅެވޭނެ އިންތިޒާމު ހަމަޖައްސައިދީފައެވެ.

މި ދަނޑަކީ ފެންވަރު ރަނގަޅު ޓާފް އަޅައިގެން، ޒަމާނީ ފެންވަރަށް ތަރައްޤީކޮށްފައިވާ ދަނޑެކެވެ.