ދައުލަތުގެ ބަޖެޓުގައި މިއަހަރު ހިލޭ އެހީގެ ގޮތުގައި ލިބޭނެ ކަމަށް އަންދާޒާކުރި މިންވަރަށްވުރެ އިތުރަށް އާމްދަނީ ލިބިފައިވާކަން ފިނޭންސް މިނިސްޓްރީގެ ތަފާސްހިސާބުތަކުން ހާމަވެއްޖެއެވެ. ފިނޭންސް މިނިސްޓްރީން އާންމުކޮށްފައިވާ ވީކްލީ ފިސްކަލް ޑިވެލޮޕްމަންޓް ރިޕޯޓުގައިވާ ގޮތުން، މިއަހަރުގެ މިހާތަނަށް ލިބުނު އާމްދަނީ ވަނީ މިދިޔަ އަހަރުގެ މި މުއްދަތާ އަޅާބަލާއިރު ވެސް ބޮޑުތަނުން އިތުރުވެފައެވެ.

މާލީ ހިސާބުތަކުގެ މުހިންމު ބައިތައް:

Ad by Hajj Corporation

• ހިލޭ އެހީ: މިއަހަރު ލިބޭނެ ކަމަށް އަންދާޒާކުރީ 373.6 މިލިއަން ރުފިޔާ. ނަމަވެސް މި މަހުގެ 4 ވަނަ ދުވަހުގެ ނިޔަލަށް 393.6 މިލިއަން ރުފިޔާ ވަނީ ލިބިފައި.
• އަހަރުން އަހަރަށް ބަލާއިރު: މިދިޔަ އަހަރުގެ މި މުއްދަތުގައި ހިލޭ އެހީގެ ގޮތުގައި ލިބުނީ 128.7 މިލިއަން ރުފިޔާ.
• ޖުމްލަ އާމްދަނީ: މިއަހަރުގެ މިހާތަނަށް 19 ބިލިއަން ރުފިޔާ ލިބިފައިވާއިރު، މިއީ މިދިޔަ އަހަރަށްވުރެ 10 ޕަސެންޓް އިތުރު އަދަދެއް.

މިއަހަރުގެ ބަޖެޓުގައި ޓެކްސް އާމްދަނީ އާއި ޓެކްސް-ނޫން އާމްދަނީ އަދި ހިލޭ އެހީ ހިމެނޭހެން ޖުމްލަ 40.3 ބިލިއަން ރުފިޔާ ލިބޭނެ ކަމަށް ވަނީ އަންދާޒާކޮށްފައެވެ. މިހާތަނަށް ލިބިފައިވާ އާމްދަނީއަށް ބަލާއިރު، ދައުލަތުގެ މާލީ ހާލަތު އަންދާޒާކުރި މިސްރާބަށް ދަތުރުކުރަމުންދާކަން ފާހަގަކުރެވެއެވެ.