ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) ގެ މެންބަރުކަމަށް ބޭންކިންގ ދާއިރާގެ ތަޖުރިބާކާރު ބޭފުޅެއް ކަމުގައިވާ ގއ. ދާންދޫ، އަމާޒް، ޒައިނާ ޢަބްދުﷲ އައްޔަނުކޮށްފިއެވެ.

ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، މި މަޤާމަށް ޒައިނާ އައްޔަނުކުރައްވާފައިވަނީ 23 ޖޫން 2024 ގައެވެ. ޒައިނާ މި މަޤާމަށް އައްޔަނުކުރައްވާފައިވަނީ ބޭންކިންގ ދާއިރާގެ ތަޖުރިބާކާރު މެންބަރެއްގެ ހައިސިއްޔަތުންނެވެ.

Ad by Hajj Corporation

ޒައިނާ ޢަބްދުﷲ އަކީ ބޭންކިންގ އަދި ފައިނޭންސް ދާއިރާގައި 10 އަހަރަށްވުރެ ގިނަ ދުވަހުގެ ތަޖުރިބާ ލިބިވަޑައިގެންފައިވާ ބޭފުޅެކެވެ. އެގޮތުން، ޚާއްޞަކޮށް ކޯޕަރޭޓް ފައިނޭންސް، އިސްލާމިކް ބޭންކިންގ އަދި ދައުލަތުގެ ކުންފުނިތަކުގެ ގަވަރނަންސްގެ ދާއިރާގައި އެނާ ވަނީ މަސައްކަތް ކޮށްފައެވެ.

ޕީސީބީގެ މެންބަރުކަމަށް އައްޔަނުކުރެވުނުއިރު، ޒައިނާ ހުންނެވީ މޯލްޑިވްސް އިސްލާމިކް ބޭންކް (އެމް.އައި.ބީ) ގެ ހެޑް އޮފް ކޯޕަރޭޓް ޕްރޮސެސިންގގެ މަޤާމުގައެވެ.

ޕީސީބީއަކީ ދައުލަތުގެ ވިޔަފާރި ތަންތަން ޕްރައިވަޓައިޒް ކުރުމާއި، ކޯޕަރަޓައިޒް ކުރުމާއި އަދި މޮނިޓަރކޮށް އިވެލުއޭޓް ކުރުމުގެ ޒިންމާ މަތިކޮށްފައިވާ ބޯޑެވެ.