ޖޫން މަހު މިފްކޯއަށް ކިރި މަހަށް 11.3 މިލިޔަން ރުފިޔާ ދޫކޮށްފައިވާ ކަމަށް މޯލްޑިވްސް އިންޑަސްޓްރިއަލް ފިޝަރީޒް ކޮންޕެނީ ލިމިޑެޓް، މިފްކޯއިން ބުނެފި އެވެ.

މިފްކޯގެ ތަފާސްހިސާބުތަކަށް ބަލާއިރު، ކަޅުބިލަމަހާއި ކަންނެލި މަސްދޯނިތައް ހިމެނޭހެން ޖުމްލަ 517 ދޯންޏަކުން ޖޫން މަހު މަސްކިރުވާފައިވެ އެވެ. އަދި މި ދޯނިތަކަށް ޖުމްލަ 1،397،565 (އެއްމިލިޔަން ތިންލައްކަ ނުވަދިހަ ހަތްހާސް ފައްސަތޭކަ ފަސް ) ރުފިޔާ ވަނީ ދޫކޮށްފަ އެވެ.

މިފްކޯއިން ބުނީ، މިދިޔަ މަހު ޖުމްލަ 568 ޓަނުގެ މަސް އެ ކުންފުންޏަށް ކިރުވާފައިވާ ކަމަށާއި، އެގޮތުން 484.4 ޓަނުގެ ކަޅު ބިލަމަސް ކިރުވާފައިވާއިރު، 9،326،901 (ނުވަ މިލިޔަން ތިންލައްކަ ސައްބިސްހާސް ނުވަސަތޭކަ އެއް) ރުފިޔާ ދޫކޮށްފައިވެ އެވެ. މިއީ 196 ދޯންޏަކުން ކިރާފައިވާ މަހެވެ.

ދިހަ ކިލޯއިން މަތިން ބޮޑުކަންނެލި ކިރުވި 109 ދޯންޏަކަށް 331،440 ތިންލައްކަ ތިރީސް އެއްހާސް ހަތަރުސަތޭކަ ސާޅިސް) ރުފިޔާ ދޫކޮށްފައިވާއިރު، 15 ކިލޯއިން މަތީގެ ކަންނެލި ކިރުވި، 212 ދޯންޏަކަށް 1،674،050 ( އެއްމިލިޔަން ހަލައްކަ ހަތްދިހަ ހަތަރުހާސް ފަންސާސް) ރުފިޔާ ވަނީ ދޫކޮށްފަ އެވެ.

Ad by Hajj Corporation

މަސްވެރިންނަށް ދިމާވާ ދަތިތައް ހައްލުކުރުމަށް މި ސަރުކާރުން އަންނަނީ ގިނަ މަސައްކަތްތަކެއް ކުރަމުންނެވެ. އެގޮތުން މަސްވެރިންގެ އަތުން މަސް ގަންނަ އަގު ރަނގަޅުކުރުމަށް މިފްކޯއިން ކުރި މަސައްކަތުން މިހާރު ވަނީ މަސް ގަންނަ އަގު 20 ރުފިޔާއަށް ބޮޑުކޮށްފަ އެވެ.