ކުރިއަށް އޮތް ދުވަސްތަކުގައި ރާއްޖެއަށް ބިންހެލުމެއް އަތުވެދާނެ ކަމަށް، މީސް މީޑިއާގައި ދައްކާ ވާހަކަަތަކަކީ ދޮގެއް ކަމަށާއި، ބިންހެލުންތައް ސައިންޓިފިކް ގޮތުން ކުރިއާލާ ދެނެގަނެވޭނެ އެއްވެސް ގޮތެއް އަދި ހޯދިފައި ނުވާ ކަމަށް ރާއްޖޭގެ މޫސުމާއި ބެހޭ ގައުމީ އިދާރާ (މެޓް) އިން ބުނެފި އެވެ.

މި ވާހަކަތައް ފެތުރިފައި ވަނީ ކުރިއަށް އޮތް ދުވަސްތަކުގައި ރާއްޖެ ކައިރިއަށް 5.2 މެގްނިޓިއުޑްގެ ބާރުގަދަ ބިންހެލުމެއް އަންނާނެ ކަމަށް ޕޭޖަކުންކުރި ޕޯސްޓަކާ ގުޅިގެން އެވެ. އެ ޕޯސްޓްގައިވާ ގޮތުން އެ ބިންހެލުުގެ އަސަރު ރާއްޖެ އަށް ވެސް ކުރާނެ އެވެ. މިކަމާ ގުޅިގެން މެޓް އޮފީހުން ނެރުނު ބަޔާނެއްގައި ބުނީ، ދިގުމުއްދަތަކަށް ބަލާއިރު، ބިންހެލުންތައް އައުން ގާތް ސަރަހައްދުތައް ސައިންސްވެރިންނަށް ކަނޑައެޅިދާނެ ކަމަށެވެ. ނަމަވެސް ބިންހެލުންތައް ސައިންޓިފިކް ގޮތުން ކުރިއާލާ ދެނެގަނެވޭނެ އެއްވެސް ގޮތެއް އަދި ހޯދިފައި ނެތް ކަމަށް ވެސް މެޓްގެ އެ ބަޔާނުގައި ބަޔާންކޮށްފައިވެ އެވެ.

Ad by Hajj Corporation

މެޓުން ބުނީ ބިންހެލުންތަކުގެ މައުލޫމާތުތައް މެދުނުކެނޑި ބަލަމުންދާ ކަމަށާއި މިގޮތުން ރާއްޖެއަށް އަސަރު ކޮށްފާނެ ފަދަ ބިންހެލުންތައް އަތުވެއްޖެނަމަ، އެ މައުލޫމާތު ލަސްނުކޮށް އާންމު ކުރާނެއް ކަމަށެވެ.