މިދިޔަ 19 ވަނަ މަޖިލިސް ހިންގާފައި ވަނީ ސަރުކާރެއް ގޮތަށް ކަމަށް ޕީއެންސީގެ ޕާލިމެންޓަރީ ގުރޫޕުގެ ލީޑަރު އިބްރާހީމް ފަލާހު ސިފަ ކުރައްވައިފި އެވެ.

ރައްޔިތުންގެ މަޖިލީހުގެ ޖަލްސާގައި ވާހަކަ ދައްކަވަމުން ފަލާހު ވިދާޅުވީ މިދިޔަ މަޖިލިސް ރާއްޖޭގެ ހުރިހާ ނިޒާމެއްގެ ގޮތުގައި ފެނިގެން ދިޔަ ކަމަށެވެ. އެގޮތުން ޝަރުއީ ނިޒާމެއް ގޮތުގައި ފެނިގެން ދިޔަ ކަމަށާއި ރައީސުލް ޖުމްހޫރިއްޔާ ވެސް 19 ވަނަ މަޖިލީހަށް ހާޒިރުކޮށްފައިވާ ކަމަށް ފަލާހު ވިދާޅުވި އެވެ. ނަމަވެސް މިހާރު، މަޖިލިސް ހިނގަނީ ގާނޫނު ހަދާ މަޖިލިސް ހިންގަންޖެހޭ ގޮތަށް ކަމަށް ވެސް ފަލާހު ވިދާޅުވި އެވެ.

Ad by Hajj Corporation

ފަލާހު ވިދާޅުވީ އެމްޑީޕީގެ 12 މެމްބަރުންނަށް މިހާރު ރައްޔިތުންގެ މަޖިލީހެއްގައި މަސައްކަތްކުރަންޖެހޭނެ ގޮތް އިނގޭނެ ކަމަށާއި، އެ މެމްބަރުން ތަރުބިއްޔަތު ކުރުމަކީ ބުރަ މަސައްކަތެއް ކަމަށް ވެސް އޭނާ ވިދާޅުވި އެވެ.