ޓެކްސް ދައްކާ ފަރާތްތަކަށް ލުއިފަސޭހަ ކޮށްދިނުމުގެ ގޮތުން މޯލްޑިވްސް އިންލޭންޑް ރެވެނިއު އޮތޯރިޓީ (މީރާ) އާ ބޭންކް އޮފް މޯލްޑިވިސް (ބީއެމްއެލް) ގުޅިގެން ފަސޭހަ ނިޒާމެއް ތައާރަފު ކޮށްފި އެވެ.

Ad by Hajj Corporation

"ޓްރާންފަރ ޕޭމަންޓްސް" ނަމުގައި ގާއިމުކުރި މިހިދުމަތުގެ ސަބަބުން ޓެކްސް ދައްކާ ފަރާތްތަކަށް ލުއިފަސޭހަ ވެގެންދާނެ ކަމަށް މީރާގެ ޑެޕިއުޓީ ޑިރެކްޓަރ ޖެނެރަލް ޓެކްސް ޕޭޔާ ސާވިސް އަހުމަދު ޒަކަރިއްޔާ ވިދާޅުވި އެވެ. މެންދުރު ޓީވީގެ މައުލޫ ޕްރޮގްރާމުގައި ވާހަކަ ދައްކަވަމުން ޒަކަރިއްޔާ ވިދާޅުވީ މީރާގެ ހުރިހާ ހިދުމަތެއް ވެސް އޮންލައިންކޮށް، މީރާ ކަނެކްޓް ޕޯޓަލް މެދުވެރިކޮށް ލިބޭނެ ކަމަށެވެ.

ގައުމީ ބޭންކް ޕީއާރު މެނޭޖަރު މުހައްމަދު ނާސީހު ވިދާޅުވީ، "ޓްރާންފަރ ޕޭމަންޓްސް" މެދުވެރިކޮށް ޓެކްސް ދައްކާ ފަރާތްތަކަށް ކާޑުގެ މައުލޫމާތުތައް އަމިއްލަ އަށް ފުރަން ނުޖެހޭނެ ކަމަށެވެ. އޭގެ ބަދަލުގައި ބޭންކްގެ ޕޭޖްގައި އެ މައުލޫމާތު އަމިއްލަ ޒާތުގައި ފުރައިދީފައި ހުންނާނެ ކަމަށް ވެސް ނާސިހު ވިދާޅުވި އެވެ.

މީރާއިން ކުރަމުން އަންނަނީ ގައުމީ މަސައްކަތެއް ކަމަށާއި މީރާ އަދި ބޭންކުގެ އަމާޒަކީ ކުރިޔަތް އޮތްތާ ވެސް ޑިޖިޓަލީ، އަދި އޮންލައިކޮށް ހިދުމަތްތައް ދިނުން ކަމަށް ވެސް ނާސީހު ފާހަގަ ކުރި އެވެ. އަދި "ޓްރާންފަރ ޕޭމަންޓްސް" ގެ ހިދުމަތް މިހާރަށް ވުރެ ފުޅާކުރުމަކީ ބޭންކްގެ އަމާޒެއް ކަމަށް ވެސް އޭނާ ފާހަގަ ކުރެެއްވެވި އެވެ.