ސާކް ސަރަހައްދުގެ ކަނޑުގެ މަސްވެރިކަން ބެލެހެއްޓުމަށް ހާއްސަ ޕްލެޓްފޯމެއް ގާއިމުކުރަން ސަރަހައްދީ ގައުމުތަކުން ނިންމައިފި އެވެ.

ސަރަހައްދީ ގައުމުތަކާ އެކު މިގޮތަށް ނިންމާފައި ވަނީ އިގްތިސޯދީ ގޮތުން މުހިންމު ކަނޑުމަހުގެ ބާވަތްތަކާ ގުޅޭގޮތުން ސާކްގެ މެންބަރު ގައުމުތަކުގެ މެދުގައި ރާއްޖޭގައި ބޭއްވި ބައްދަލަވުމުގަ އެވެ. މި ބައްދަވުން ކުރިޔަށް ގެންގޮސްފައި ވަނީ މި މަހުގެ އެއްވަނަ ދުވަހުން ފެށިގެން ދެ ދެދުވަހުގެ ނިޔަލަށެވެ.

Ad by Hajj Corporation

މި ބައްދަލުވުމުގައި ވާހަކަދައްކަވަމުން މަސްވެރިކަމާއި ދަނޑުވެރިކަމާއި ކަނޑުގެ ވަސީލަތްތަކާބެހޭ ވުޒާރާގެ ސްޓޭޓް މިނިސްޓަރު މުޙައްމަދު މުއްޠަލިބް ވިދާޅުވީ، ސަރަހައްދީ ފެންވަރުގައި މަޢުލޫމާތު ޙިއްސާކުރުމާ އެކު އާ އީޖާދީ ގޮތްތައް ބޭނުންކުރުން މުހިންމު ކަމަށެވެ. މީގެ ސަބަބުން ކަނޑުގެ ވަސީލަތްތަކަކީ މުޅި ސަރަޙައްދުގެ ކާނާގެ ރައްކާތެރިކަމާއި، އިގްތިސޯދީ ތަނަވަސްކަން ކަށަވަރުކުރުމާ އެކު ދެމެހެއްޓެނިވި އާމްދަނީއެއް ހޯދުމަށް ވަސީލަތްތަކެއް ކަމަށް މިނިސްޓަރ ފާހަގަ ކުރެއްވެވި އެވެ.

މި ބައްދަލުވުމުގައި ފުޅާ ދާއިރާގައި ސާކްގެ މެމްބަރު ގައުމުތަކުގެ މެދުގައި ތަޖުރިބާކާރުންގެ ހިޔާލު ބަދަލުކޮށް، ތަޖުރިބާތައް ހިއްސާކޮށްފައިވެ އެވެ. އޭގެ ތެރޭގައި ލިމިޓަށްވުރެ ގިނައިން މަސްވެރިކަން ކުރުމާއި، ގައިވާދާ ހިލާފަށް މަސްވެރިކަން ކުރުންފަދަ ދާއިރާތަކާއި ތިމާވެއްޓާ ގުޅުންހުރި ދާއިރާތަކުން މަޝްވަރާކޮށްފައިވެ އެވެ.