ޓެކްސް ދެއްކުމުގައި ދަތިވާ ފަރާތްތަކަށް އިންސްޓޯލްމަންޓަށް ބަހާލައިގެން ޓެކްސް ދެއްކޭ ގޮތްތައް ވެސް ހަމަޖައްސައިދޭ ކަމަށް މީރާގެ ޑެޕިއުޓީ ޑިރެކްޓަރ ޖެނެރަލް ޓެކްސް ޕޭޔާ ސާވިސް އަހުމަދު ޒަކަރިއްޔާ ވިދާޅުވެއްޖެ އެވެ.

Ad by Hajj Corporation

މެންދުރު ޓީވީގެ "މައުލޫ" ޕްރޮގްރާމްގައި ވާހަކަ ދައްކަވަމުން ޒަކަރިއްޔާ ވިދާޅުވީ ޓެކްސް ފައިސާ ހޯދުމަށް މީރާގެ މުވައްޒަފުންކުރާ މަސައްކަތުގެ އިތުރުން ޓެކްސް ދައްކާ ފަރާތްތައް އެދިގެން ވެސް އިންސްޓޯލްމަންޓަށް ފައިސާ ދެއްކޭނެ ގޮތް ހަދައިދީފައި ހުންނާނެ ކަމަށެވެ.

ޒަކަރިއްޔާ ވިދާޅުވީ ސުންގަޑިތަކަށް ބަޔާން ހުށަނޭޅުމަކީ ވެސް ޖޫރިމަނާ ވާނެ ކަންކަން ކަމަށެވެ. އަދި މީރާގެ މުވައްޒަފުން އީމެއިލްގެ ޒަރީޔާއިންނާއިން ފޯނުން ގުޅާ ސުންގަނޑިތައް ހަނދާންކޮށްދެމުންދާނެ ކަމަށް ވެސް ޒަކަރިއްޔާ ވިދާޅުވި އެވެ. މީރާ އިން ބުނީ ސުންގަނޑިއަށް ބަޔާންތައް ހުށަހެޅުމަކީ މުހިއްމު ކަމެއް ކަމަށާއި ކުދި އަދި މެދުފަންތީގެ ވިޔަފާރިތަކަށް ބަޔާންތައްޔާރުކުރުމުގައި ދަތިވާނަމަ، މީރާގެ އެހީތެރިކަން ހޯދައިން ވެސް ބަޔާން ތައްޔާރު ކުރުމަށް ފުރުސަތު އޮންނާނެ ކަމަށެވެ.