ހުޅުމާލޭ އަމީން އެވެނިއުއިން ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) ގެ ކުރީގެ ރައީސް ބައްސާމް އަދީލް ޖަލީލް ގަނެފައިވާ ދެ އެޕާޓްމަންޓް ފުލުހުންނާ ހަވާލުކުރަން އެންގި މައްސަލާގައި ބައްސާމް ހައިކޯޓަށް ހުށަހެޅި އިސްތިއުނާފްގެ މައްސަލަ އެ ކޯޓުން ބަލައެއް ނުގަތެވެ.

ކޯޓުގެ އެންގުމާ އެއްގޮތަށް މި އެޕާޓްމަންޓްތައް ބައްސާމް ވަނީ ފުލުހުންނާއި ހަވާލުކޮށްފައެވެ.

އެއަށްފަހު މި މައްސަލަ މި މަހުގެ 8 ވަނަ ދުވަހު އިސްތިއުނާފަށް ހައިކޯޓަށް ވެއްދިކަމަށް އޮތީ މައުލޫމާތު ފެތުރިފައެވެ.

މައުލޫމާތު ލިބިފައިވާ ގޮތުގައި ހައިކޯޓުގެ ރަޖިސްޓްރާ ވަނީ އެ މައްސަލަ ބަލައިނުގަންނަން ނިންމަވާފަ އެވެ. އެހެންނަމަވެސް އެކަމުގެ އެއްވެސް އިތުރު ތަފްސީލެއް ލިބިފައެއް ނުވެ އެވެ.