ބ. އޭދަފުށީ ފަޅުތެރޭގައި އުމުރުން ދުވަސްވީ މީހަކު މަރުވެފައި އޮއްވާ ފެނިއްޖެ އެވެ.

މަރުވެފައިވާ މީހާ ފެނިފައި ވަނީ މިއަދު ހެނދުނު 7:55 ހިސާބުގައި ފަޅުތެރޭގައި ލޯންޗެއްގައި އުޅުނު ބަޔަކަށެވެ. ފުލުހުން ބުނީ އެ ރަށު ފަޅުތެރޭގައި މަރުވެފައި އޮއްވާ ފެނިފައި ވަނީ ބ. އޭދަފުށީ، ސީސަންގެ، އަލީ އަބްދުﷲ، 82، ކަމަށެވެ. މައުލޫމާތު ލިބޭ ގޮތުގައި މި މީހާގެ ހަށިގަނޑު ފެނުންއިރު އޭނާގެ ހަށިގަނޑު ބޭރުފުރުށުން އެއްވެސް ޒަހަމެއް ފެނިފައެއްނުވެ އެވެ. ނަމަވެސް އިތުރަށް ބެލުމަށް ރ. އަތޮޅު ހޮސްޕިޓަލް ހަށިގަނޑު ފޮނުވުމަށް ވަނީ ނިންމާފަ އެވެ.

Ad by Hajj Corporation

އެރަށު މީހުން މައުލޫމާތުދޭ ގޮތުން ރޭ 10:00 ހާއިރު އޭނާ ބަނދަރު ސަރަހައްދުފެނިފައިވެ އެވެ. އަދި ފުލުހުން އަންނަނީ އެ ސަރަހައްދު ސީސީޓީވީ ކެމެރާތައް ޗެކުކުރަމުންނެވެ. ފުލުހުން ބުނީ މިމައްސަލަ އިތުރަށް ތަހުގީގުކުރަމުން އަންނަ ކަމަށެވެ.