ޖުޑީޝަލް ސާވިސް ކޮމިޝަން (ޖޭއެސްސީ) އިން ބޭނުންވެއްޖެ ހިނދެއްގައި ކޯޓުތަކުގެ އިސް ފަނޑިޔާރުން ވަކިކުރެވޭ ގޮތަށް ގަވާއިދެއް ހަދައިފި އެވެ.

ޖޭއެސްސީން ވަނީ މިގޮތަށް ބަދަލު ގެނެސް ގަވައިދެއް ގެޒެޓްކޮށްފަ އެވެ. މި ގަވާއިދަށް ކިޔަނީ ކޯޓުތަކުގެ އިސް ފަނޑިޔާރުން އައްޔަން ކުރުމާއި ދުރުކުރުމުގައި އަމަލުކުރާނެ ގޮތުގެ ގަވާއިދެވެ.

Ad by Hajj Corporation

މި ގަވާއިދު ބުނާ ގޮތުން،ފަނޑިޔާރަކު ދުރުކުރުމުގެ ބާރު އެ ކޮމިޝަނަށް ލިބިގެންވެ އެވެ. އަދި އެ ހާލަތަކީ ކޯޓުތަކަށް އައްޔަންކުރާ އިސް ފަނޑިޔާރުން ކޯޓުތަކުގެ ހިންގުން ހަރުދަނާކުރުމަށްޓަކައި އެ މަގާމުން ދުރުކުރަންޖެހޭ ކަމަށް ޖޭއެސްސީއަށް ފެންނަ ހާލާތްތައް ކަމަށް މި ގަވާއިދުގައި ބަޔާންކޮށްފައިވެ އެވެ.

ފަނޑިޔާރުން ދުރުކުރުމަށް މިހާރު އަމަލުކުރާ އުސޫލަކު ބަޔާންކޮށްފައެއް ނޯވެ އެވެ. މި ސަބަބާހުރެ އިސް ފަނޑިޔާރަކު މަގާމުން ވަކިވެފައި ވަނީ އެ ފަނޑިޔާރަކު އަމިއްލަ އަށް އެ މަގާމުން އިސްތިއުފާ ދިނުމުންނެވެ. ދެން އޮންނަ ގޮތަކީ ފަނޑިޔާރަކު މަގާމުން ވަކިކުރުމަށް ރައްޔިތުންގެ މަޖިލީހުން ނިންމުމެވެ. މިހާރު އޮނިގަނޑު އޮންނަ ގޮތުން ފަނޑިޔާރުންނާ އިންޓަވިއުކޮށް، މަގާމަށް ބޭފުޅަކު ކަނޑައަޅަން ޖެހެނީ ޖޭއެސްސިއަށެވެ. އަދި ފަނޑިޔާރަކު ހޮވެނީ އެ ކޮމިޝަންގެ މެންބަރުންގެ އަޣުލަބިއްޔަތުން ރުހުން ދިނުމުންނެވެ.