މިއަހަރުތެރޭ ބޭންކް އޮފް މޯލްޑިވްސްގެ އެސެޓު 60 ބިލިޔަން ރުފިޔާ އަށް ވުރެ މައްޗަށް އަރައިފި ކަމަށް ގައުމީ ބޭންކް (ބީއެމްއެލް) އިން ބުނެފި އެވެ.

ބީއެމްއެލްގެ ސީއީއޯ އަދި މެނޭޖިން ޑިރެކްޓަރު މުހައްމަދު ޝަރީފު ވިދާޅުވީ މިދިޔަ އަހަރު ބޭންކްގެ އެސްޓް 55 ބިލިޔަނަށް އަރާފައިވާ ކަމަށެވެ. އަދި މިއަހަރުގެ މިހާތަނަށް އައިއިރު 60 ބިލިޔަން ރުފިޔާ އަރާފައިވާ ކަމަށެވެ. ޝަރީފު ވިދާޅުވީ ބޭންކުން ދޫކޮށްފައިވާ ލޯނުތަކުގެ ރިކޯޑް އަދަދަކަށް އަރާ 30 ބިލިޔަން ރުފިޔާ އަށް ވުރެ އިތުރުވެފައިވާ ކަމަށެވެ. އަދި ބޭންކުގައި ކަސްޓަމަރުން ބަހައްޓަފައި ހުރި އަދަދު 41 ބިލިޔަން ރުފިޔާ އަށް ވުރެ އިތުރުވެފައި ކަމަށް ވެސް ޝަރީފު ވިދާޅުވި އެވެ.

Ad by Hajj Corporation

ޝަރީފު ވިދާޅުވީ ބީއެމްއެލް ހިންގަނީ ބޭންކްތައް ހިންގާ ގާނޫނާއި ގަވައިދުތަކުގެ މަތިން ކަމަށެވެ. އެގޮތުން ބެންކުގެ ކެޕިޓަލް ޑިކްލެސީ ރޭޝިއޯ ގާނޫނު ބުނާ މިންވަރަށްވުރެ، ތިން ގުނަ މަތީގައި ހުރި ކަމަށް ވެސް އެ ބޭންކުން މައުލޫމަތުދެ އެވެ.