ހއ. ދިއްދޫގައި ސަރުކާރުން އިމާރާތްކުރަމުންދާ 75 ހައުސިން ޔުނިޓު މަޝްރޫއުގެ 98.55 އިންސައްތަ މަސައްކަތް ނިމިއްޖެ ކަމަށް ބިނާވެރިކަމާއި ގެދޮރުވެރިކަމާ ބެހޭ މިނިސްޓްރީން ބުނެފި އެވެ.

ޑިޒައިން އެންޑް ބިލްޑް އުސޫލުން 2022 ވަނަ އަހަރުގެ އޮގަސްޓު މަހުގެ ތެރޭގައި އެސްޖޭ ކޮންސްޓްރަކްޝަންއާ ހަވާލުކުރި މި މަޝްރޫއުގައި މިހާރު ކުރިއަށްދަނީ ބަދިގެއާ ފާޙާނާގެ ފިނިޝިންގ މަސައްކަތެވެ.

Ad by Hajj Corporation

ދިއްދޫގައި 75 ހައުސިން ޔުނިޓު އަޅަން އެސްޖޭ ކޮންސްޓްރަކްޝަންއާ ހަވާލުކޮށްފައިވަނީ 120 މިލިއަން ރުފިޔާ އަށެވެ.

އެ މަޝްރޫއުގެ ދަށުން އިމާރާތްކޮށްފައި ވަނީ ދެ ފަންގިފިލާގެ ރޯހައުސްތަކެކެވެ. ހައުސިންގ މިނިސްޓްރީން ބުނީ ކޮންމެ ރޯހައުސްއެއްގައި ތިން ކޮޓަރި، 3 ފާހާނާ، ސިޓިން ރޫމް، ބަދިގެ، ކާގެ، ލޯންޑްރީ އަދި ސްޓޯރޫމް ހުންނާނެ ކަމަށެވެ.

ދިއްދޫގައި އިމާރާތްކުރާ ހައުސިން ޔުނިޓުތަކުގައި ދިރިއުޅޭ ރައްޔިތުންގެ ފަސޭހައަށާއި ހިތްހަމަޖެހުމަށް އެ ސަރަހައްދު ވަށައިގެން އަލިކޮށް އެ ސަރަހައްދުގައި ޕާކަކާއި ވެހިކަލް ޕާކިން ޒޯނެއް ޤާއިމުކުރުމަށް ވެސް އެ މިނިސްޓްރީން ވަނީ ނިންމާފަ އެވެ.