ހއ. ދިއްދޫގައި ކުރިއަށްދާ ފުޓްސަލް ދަނޑު ތަރައްގީކުރުމުގެ މަޝްރޫއުގެ ދަށުން މިހާރު ކުރިއަށްދަނީ ދަނޑުގެ ވަށައިގެން ޕީވީސީ ފެންސް ޖެހުމުގެ މަސައްކަތް ކަމަށް އެމްޓީސީސީ އިން ބުނެފި އެވެ.

އެމްޓީސީސީން ސޯޝަލްމީޑިއާގައި ހިއްސާކޮށްފައިވާ ފޮޓޯތަކަށް ބަލާއިރު ދަނޑުގެ ވަށައިގެން ފެންސް ޖެހުމާއި، ލައިޓް ހަރުކުރުމުގެ އޮނިގަނޑުގެ މަސައްކަތުގެ ބޮޑު ބައެއް މިހާރު ވަނީ ނިމިފަ އެވެ.

Ad by Hajj Corporation

އެމްޓީސީސީން ދިއްދޫ ފުޓްސަލް ދަނޑު ތަރައްގީކުރުމުގެ މަަސައްކަތް ބާރަށް ކުރިއަށް ގެންގޮސް ވީހާވެސް އަވަހަށް ނިންމާލުމަކީ އަމާޒެއް ކަމަށެވެ.

މި މަޝްރޫޢަކީ ދިއްދޫގެ ރައްޔިތުންނަށް، ހާއްސަކޮށް ޒުވާނުންނަށް ކުޅިވަރުގެ ފުރުސަތުތައް ފަހިކޮށްދިނުމުގެ ގޮތުން، އެ ރަށުގައި ފެންވަރު ރަނގަޅު ފުޓްސަލް ދަނޑެއް ގާއިމުކުރުމަށް ކުރިއަށްގެންދާ މަޝްރޫއެކެވެ.

އެމްޓީސީން ގެންދަނީ ރާއްޖޭގެ ހުރިހާ ސަރަހައްދެއްގައިވެސް މަޝްރޫއުތައް ހިންގަމުންނެވެ.

ރައީސުލްޖުމްހޫރިއްޔާ ޑރ. މުހައްމަދު މުއިއްޒު ރަށްރަށުގެ ރައްޔިތުންނަށް ވެވަޑައިގެންފައިވާ ވައުދުތައް ފުއްދުމުގައި އެމްޓީސީސީ އަކީ ވަރަށް ބޮޑު ހިއްސާއެއް އަދާކުރަމުންދާ ކުންފުންޏެކެވެ.