ކ. ތުލުސްދޫގައި އަލަށް އިމާރާތްކުރާ ފުލުހުންގެ މަރުކަޒުގެ މަސައްކަތުގެ 23 އިންސައްތަ ނިމިފައިވާ ކަމަށް އެމްޓީސީސީން ބުނެފި އެވެ.

އެކުންފުނިން ބުނީ، މި މަޝްރޫޢުގެ ދަށުން މިހާރު ކުރިއަށްދަނީ މަރުކަޒު އެޅުމަށް ބިން ކޮނުމުގެ މަސައްކަތް ކަމަށެވެ.

Ad by Hajj Corporation

މި މަޝްރޫޢަކީ 38.91 މިލިއަން ރުފިޔާއަށް 360 ދުވަހުގެ ތެރޭގައި ނިންމުމަށް އެމްޓީސީސީއާ ހަވާލުކޮށްފައިވާ މަޝްރޫއުއެކެވެ. މި މަސައްކަތް އެމްޓީސީސީއާ ހަވާލުކޮށްފައިވަނީ ފާއިތުވި އަހަރުގެ އޮކްޓޫބަރު މަހުގެ 28 ވަނަ ދުވަހުއެވެ.

މި މަޝްރޫއުގެ ދަށުން ކުރިއަށް ގެންދިއުމަށް ހަމަޖެހިފައިވާ މައިގަނޑު މަސައްކަތްތަކުގެ ތެރޭގައި ވަށައިފާރު ރޭނުމާއި، އޮފީސް އިމާރާތެއް ހެދުމާއި، ގައިދީން ބައިތިއްބާނެ ތަނެއް ހެދުމުގެ އިތުރުން ގަރާޖެއް ހެދުން ހިމެނެއެވެ.