ރައީސުލްޖުމްހޫރިއްޔާ ޑރ.މުހައްމަދު މުއިއްޒު ލާމަރުކަޒީ ނިޒާމުގެ ބާރުވެރިކަން ކަށަވަރު ކުރެއްވުމަށް ކުރެއްވި އަދި ކުރައްވަމުން ގެންދަވާ މަސައްކަތްޕުޅާ ގާތަށްވެސް ކުރީގެ ސަރުކާރުތަކަށް މަސައްކަތް ކުރެވިފައި ނުވާ ކަމަށާއި، އަދި ލާމަރުކަޒީ ނިޒާމުގެ ވާހަކަ ދައްކަން އިދިކޮޅު ފަރާތްތަކުން ލަދު ގަންނަން ޖެހޭނެ ކަމަށް ރައްޔިތުންގެ މަޖިލީހުގެ ބާރަށު ދާއިރާގެ މެމްބަރު އިބްރާހިމް ޝުޖާއު ވިދާލުވެއްޖެއެެވެ.

ޝުޖާއު މިފަދައިން ފާޑުވިދާޅުވީ، އެމްޑީޕީގެ ލާމަރުކަޒީ ކޮމިޓީގެ ފަރާތުން ލޯކަލް ގަވަމަންޓް އޮތޯރިޓީ (އެލް.ޖޭ.އޭ) އާ ބައްދަލުކުރަން ނިންމާފައިވާ ކަމަށް ބުނެ ކުރީގެ މެންބަރު އަލީ ނިޔާޒު ކުރެއްވި ސޯޝަލް މީޑިއާ ޕޯސްޓަކާ ގުޅިގެންނެވެ. އަލީ ނިޔާޒު ވިދާޅުވެފައިވަނީ އެމްޑީޕީގެ ގިނަ ކަންބޮޑުވުންތަކަކާއެކު އެލްޖޭއޭ އާ ބައްދަލުކުރުމަށް ހަމަޖެހިފައިވާ ކަމަށާއި، އުއްމީދަކީ ކައުންސިލްތައް ހިންގުމަށް ޖާގަ ދިނުން ކަމަށެވެ.

Ad by Hajj Corporation

ލާމަރުކަޒީ ނިޒާމާ ގުޅޭގޮތުން ނިޔާޒު ދެއްކެވި ވާހަކަފުޅުތަކަށް ރައްދު ދެއްވަމުން ޝުޖާއު ކުރެއްވި ޕޯސްޓެއްގައި ވިދާޅުވީ، 19 ވަނަ މަޖިލީހުގެ ލާމަރުކަޒީ ކޮމިޓީގެ މުޤައްރިރަކަށް އަލީ ނިޔާޒު ހުންނެވިއިރު، މުޅި ނިޒާމު ފުޑާލައި ޤާނޫނުން ދީފައިވާ ބާރުތައް "ބޭބޭފުޅުގެ މުށުތެރެއަށް" ލައްވައިގެން ވެރިކަން ހިންގަމުން ދިޔަ ހިނދު އެވާހަކަ ދެއްކުމުންވެސް ހުންނެވީ ހަނު ކަމަށެވެ.

އަދި ރާއްޖޭގައި ލާމަރުކަޒީ ނިޒާމު ބާރުވެރިކޮށް، ލާމަރުކަޒީ އުސޫލުން ގައުމު ހިންގަމުންދަނީ ރައީސުލްޖުމްހޫރިއްޔާ ޑރ. މުހައްމަދު މުއިއްޒު ކަމަށް ވެސް މެމްބަރު ސުޖާއު ފާހަގަކުރެއްވިއެވެ.