ނ. ވެލިދޫ ކުޑަކުދިންގެ ޕާކްގެ މަސައްކަތް ރޯޑް ޑިވެލޮޕްމަންޓް ކޯޕަރޭޝަން، އާރުޑީސީން ނިންމާލައިފި އެވެ.

މި ޕާކަކީ ރައީސުލްޖުމްހޫރިއްޔާ ޑރ. މުޙައްމަދު މުއިއްޒު މިދިޔަ އަހަރުގެ ޖުލައި މަހު ވެލިދޫއަށް ކުރެއްވި ދަތުރުފުޅުގައި ވެވަޑައިގެންނެވި ވައުދެކެވެ. މި މަސައްކަތް އާރުޑީސީން ކުރިޔަށް ގެންގޮސްފައި ވަނީ ޕީއެސްއައިޕީގެ ދަށުންނެވެ. އަރުޑީސީން ބުނީ ޕާކްގެ ސަބަބުން އެ ރަށުގެ ކުޑަކުދިންނާއި އާއިލާތަކަށް އެ ސަރަހައްދުގައި ހިތްފަސޭހަކަމާ އެކު އުޅެވޭނެ ކަމަށެވެ.

ގާތްގަނޑަކަށް 2700 މީހުންގެ އާބާދީ އެއް އޮންނަ އެ ރަށުގައި މި ޕާކު ތަރައްގީ ކޮށްފައި ވަނީ އެ ރަށުގެ ދެކުނު އަވަށުގަ އެވެ. އާރުޑީސީން ބުނީ މި މަޝްރޫއަށް ޖުމްލަ  581,850ރ. ހަރަދުކޮށްފައިވާ ކަމަށެވެ.

Ad by Hajj Corporation

މި މަޝްރޫއު އާރުޑީސީއާ ހަވާލުކޮށްފައި ވަނީ 29 މާރިޗު 2025 ގައެވެ. މި މަޝްރޫއުގެ ދަށުން ކުރި ބައެއް މަސައްކަތްތަކުގެ ތެރޭގައި ލޭންޑް ސްކޭޕިންގ އަދި ހާޑް ސްކޭޕިންގ މަސައްކަތްތަކާއި ޕާކު ސެޓުތައް އިންސްޓޯލްކުރުން ހިމެނެ އެވެ. ވެލިދޫއަކީ އެ އަތޮޅުގައި އެންމެ އާބާދީ ބޮޑު ރަށެވެ.