މާލޭގައި ގަވާއިދާ ހިލާފަށް ހިންގަމުންދާ ކެފޭތަކާއި ކާބޯތަކެތީގެ ހިދުމަތްދޭ ތަންތަން ބަލައި ފާސްކުރުމަށް ސަރުކާރުން ކުރިއަށްގެންދާ ހާއްސަ އޮޕަރޭޝަންގެ ތެރެއިން، މިއަދު ބަލައި ފާސްކުރި ތަންތަނުން އަށް ބިދޭސީއަކު ހައްޔަރުކޮށްފިއެވެ.

ސަރުކާރުގެ ކަމާބެހޭ އިދާރާތައް ހިމެނޭ ޓާސްކް ފޯހުން މިއަދު ހިންގި މިއޮޕަރޭޝަންގައި މާލޭގެ ޖުމްލަ 6 ތަނެއް ބަލައި ފާސްކޮށްފައިވެއެވެ. އޭގެ ތެރޭގައި އާންމުކޮށް ކާބޯތަކެތީގެ ހިދުމަތްދޭ ކެފޭތަކާއި ޓޭކްއަވޭ އައުޓްލެޓްތައް ހިމެނެއެވެ. މި އޮޕަރޭޝަންގެ ތެރެއިން އެ ތަންތަނުގައި މަސައްކަތް ކުރަމުންދިޔަ 28 ބިދޭސީއެއްގެ ލިޔެކިޔުންތައް އިދާރާތަކުން ވަނީ ޗެކްކޮށްފައެވެ.

Ad by Hajj Corporation

މޯލްޑިވްސް އިމިގްރޭޝަނުން ބުނި ގޮތުގައި، ލިޔެކިޔުންތައް ބެލި ބިދޭސީންގެ ތެރެއިން އަށް މީހަކީ ރާއްޖޭގައި ގަވާއިދާ ހިލާފަށް އުޅެމުންދިޔަ މީހުންކަން ވަނީ ކަށަވަރުވެފައެވެ. އެހެންކަމުން، އެ މީހުން މިހާރު ވަނީ އިމިގްރޭޝަންގެ ބެލުމުގެ ދަށަށް ގެންގޮސްފައެވެ.

ކުރިއަށް އޮތް ތަނުގައި މާލޭގެ އިތުރުން އަތޮޅުތެރޭގައިވެސް މިފަދަ އޮޕަރޭޝަންތައް މެދުކެނޑުމެއް ނެތި ކުރިއަށް ގެންދިއުމަށް ސަރުކާރުން ވަނީ ނިންމާފައެވެ.