މޫސުން ގޯސްވުމުގެ ރާއްޖެއަށް މިހާރު ކުރަމުންދާ ވިއްސާރައިގެ ސަބަބުން ކޮންސްޓްރަކްޝަން ސައިޓްތަކުގައި ރައްކާތެރިކަމުގެ ފިޔަވަޅު އެޅުމަށާއި އަދި އާންމުން މަގުމައްޗަށް ނިކުމެ އުޅޭއިރުސަމާލުކަން ދިނުމަށް ހައުސިން ޑިވެލޮޕްމެންޓް ކޯޕަރޭޝަން ( އެޗްޑީސީ)ން އިލްތިމާސްކޮށްފިއެވެ.

އެޗްޑީސީން އެކްސްގައި ކޮށްފައިވާ ޕޯސްޓެއްގައި ވަނީ ‏މޫސުން ގޯސްވެ، ވައިގަދަވުމުގެ ސަބަބުން ހުޅުމާލޭގެ މަގުމައްޗަށް ވެއްޓޭ ގަސް ނަގާ ސާފުކުރުމުގެ މަސައްކަތް އެޗްޑީސީން މިހާރު ކުރަމުން ގެންދާ ކަމަށާއި އަދި އޭގެ އިތުރުން ރާއްޖެއަށް މިހާރު ކުރަމުންދާ ވިއްސާރައިގެ ސަބަބުން ކޮންސްޓްރަކްޝަން ސައިޓްތަކުގައި ރައްކާތެރިކަމުގެ ފިޔަވަޅު އެޅުމަށާއި އަދި އާންމުން މަގުމައްޗަށް ނިކުމެ އުޅޭއިރު ސަމާލުކަން ދިނުމަށް އިލްތިމާސްކުރައްވާފައެވެ.

Ad by Hajj Corporation

މީގެއިތުރުން އެޗްޑީސީން ވަނީ، މޫސުން ގޯސްވުމުގެ ސަބަބުން އެއްވެސް އެހީތެރިކަމެއް ނުވަތަ ކުއްލި ހާލަތެއްގައި އެހީއެއް ބޭނުންވެއްޖެނަމަ، އެޗްޑީސީގެ ކޯލް ސެންޓަރު 1516 އަށް ގުޅުމަށްއެދިފައެވެ. އަދި އެޗްޑީސީން ވަނީ ރައްކާތެރިކަމުގެ ފިޔަވަޅުތައް އެޅުމަށާއި، ކަމާބެހޭ އިދާރާތަކުން ދޭ އިރުޝާދުތަކަށް ސަމާލުވުމަށާއި، އެކަކު އަނެކަކަށް އެހީތެރިވެ އަޅާލުމުގައި ދެމިތިބުމަށް އިލްތިމާސްކޮށްފައެވެ.

ރާއްޖެއަށް މިހާރު ކުރަމުންދާ ހުޅަނގު މޫސުމުގެ ވިއްސާރައިގައި އެކި ހިސާބުތަކަށް މޫސުން ގޯސްވަމުންދާތީ، ހާއްސަކޮށް ކުދި އުޅަނދުފަހަރުގައި ދަތުރުކުރާ ފަރާތްތަކުން ސަލާމަތީ ފިޔަވަޅުތައް ވަރުގަދަކުރުމަށް ކަމާބެހޭ އިދާރާތަކުން އިލްތިމާސްކުރައްވައެވެ.

ގުޅުންހުރި