ވަގުތީ ގޮތުން ބޭނުން ކުރުން ހުއްޓާލާފައި އޮތް ހުޅުމާލެ، ލަކުޑި ޖެޓީގެ މަރާމާތުގެ މަސައްކަތް ހައުސިންގް ޑިވެލޮޕްމެންޓް ކޯޕަރޭޝަން، އެޗްޑީސީން ފަށައިފި އެވެ.

އެ ޖެޓީ ބޭނުން ކުރުން ހުއްޓާލީ މިދިޔަ މެއި މަހު 26 ވަނަ ދުވަހު ފަޅުތެރެ އަށް ވަދެ އުޅުނު، ބާޖަކުން ޖެހި ޖެޓީގެ ސްޓްރަކްޗާ އަށް ބޮޑެތި ގެއްލުންތަކެއް ލިބުމާ ގުޅިގެންނެވެ. އެކުންފުނިން ނެރުނު ބަޔާނެއްގައި ބުނީ ބާޖުޖެހި ހިނގި ހާދިސާގައި އުތުރު ފާލަމަށް ލިބިފައިވާ ގެއްލުންތައް މިހާރު މަރާމާތު ކުރަން ފަށާފައިވާ ކަމަށެވެ.

Ad by Hajj Corporation

މި ޖެޓީއަކީ ގިނަ ބަޔަކު ބޭނުންކުރާ ޖެޓީއެއް ކަމުން މަރާމަތުގެ މަސައްކަތް އަވަސްކޮށް، އާންމުނަށް ޖެޓީ ވަރަށް އަވަހަށް ހުޅުވާލެ ކަމަށް ވެސް އެޗްޑީސީން މައުލޫމާތުދެ އެވެ. އެޗްޑީސީން ބުނީ މާރާމަތަށް ބަންދުކުރުމުގެ ސަބަބުން އާންމުނަށް ވަމުންދާ ގެއްލުންތަކަށް މައާފަށް އެދޭ ކަމަށާއި އެކުންފުނީގެ އަމާޒަކީ ހުޅުމާލޭގައި ހުރި މިފަދަ ވަސީލަތްތައް އާންމުނަށް ވީހާ ވެސް ފަސޭހައިން ހިދުމަތްލިބޭނެ މަގު ފަހިކޮށް ދިނުން ކަމަށެވެ.