ބައިނަލްއަގުވާމީ ފެންވަރުގެ ސްޓޭޑިއަމްއަކާއި އެކު ފުސްޓްސަލް ދަނޑުތައް ހިމެނޭ އިމާރާތެއް އެޅުމަށް ނިންމާފައިވާ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެ އެވެ.

ރައީސް އޮފީހުން ގެނެސްދޭ "ދަ ޕަލްސް" ޕޮޑްކާސްޓް ސިލްސިލާގެ އެންމެ ފަހު އެޕިސޯޑުގައި ވާހަކަފުޅުދައްކަވަމުން ރައީސް ވިދާޅުވީ ރާއްޖޭގައި އެންމެ ގިނައިން ކުޅޭ ކުޅިވަރަކީ ފުޓްސަލް ކަމަށެވެ. އަދި ފުޓްސަލް ކުޅުމަށް ބޭނުންވާ ދަނޑުތައް މާލޭ ސަރަހައްދުގައި މަދު ކަމަށާއި އެ ސަބަބާހުރެ ފުޓްސަލް ދަނޑުތައް ހުންނަ އިމާރާތެއް އެޅުމަށް ނިންފައިވާ ކަމަށެވެ.

Ad by Hajj Corporation

ރައީސް ވިދާޅުވީ ފުޓްސަލް ދަނޑުތައް ހުންނަ އިމާރާތް އެޅުމަށް ބިން ހަވާލުކޮށް މިހާރު މަސައްކަތް ފަށާފައިވާ ކަމަށެވެ. އަދި މި އިމާރާތުގައި ޓްރެނިންގް ޕިޗުތައް ހުންނާނެ ކަމަށް ވެސް ރައީސް ވިދާޅުވި އެވެ.

ރައީސް ވިދާޅުވީ މިކަމަށް ބޭނުންވާ ފައިސާ ވެސް މިހާރު ހަމަޖެހިފައިވާ ކަމަށެވެ. އަދި މިފަދަ ކޮމްލެކްސް އެއް ނެޓްބޯޅަ ކުޅުމަށް ވެސް އަޅާނެ ކަމަށް ވެސް ރައީސް ވިދާޅުވި އެވެ.