ކުޅުދުއްފުށީ، މަގު ސާފުކުރާ ވެހިކަލް ބޭނުން ނުކުރެވި ލަސްވަނީ ރަށުން ލައިންސަންސް ނެގެން ނެތުމުން ކަމަށް ކުޅުދުއްފުށީ ސިޓީ ކައުންސިލްގެ މޭޔަރު މުހައްމަދު އާތިފް ވިދާޅުވެއްޖެ އެވެ.

އެ ސިޓީ ކައުންސިލުން ގެނެސްދޭ "އާސްކް މޭޔާ" ގެ ދެވަނަ އެޕިސޯޑުގައި ވާހަކަ ދައްކަވަމުން މޭޔަރު ވިދާޅުވީ މަގު ސާފުކުރާ ވެހިކަލް ބޭނުން ނުކުރެވި އޮތީ އެ ވެހިކަލް ރަޖިސްޓްރީކޮށްފައިވާ ކެޓަގަރީގެ ސަބަބުން ލައިސަންސް ނެގުމުގައި ހުރި ދަތިކަމެއްގެ ސަބަބުން ކަމަށެވެ. އަދި އެކަމާ ޓްރާންސްޕޯޓް މިނިސްޓްރީއާ މަޝްވަރާކޮށް، މިނިސްޓްރީން ބަޔަކު އެ ސިޓީއަށް އައިސް ލައިސަންސް ދިނުމުގެ ކަންކަން ކުރިޔަށް ގެންދިއުމަށް ނިންމާފައިވާ ކަމަށް ވެސް މޭޔަރު ފާހަގަ ކުރެއްވެވި އެވެ.

Ad by Hajj Corporation

މޭޔަރު އާތިފު ވިދާޅުވީ ސިޓީ ކައުންސިލްގެ މުނިސިޕަލް ހިދުމަތްތައް ހަރުދަނާ ކުރުމަށް ބޭނުންވާ ޒަމާނީ ވެހިކަލްތައް ގެނައުމަށް މަސައްކަތް ކުރަމުން އަންނަ ކަމަށެވެ. އަދި އިސްކަންދޭ ތަރުތީބުން އެކަން އެގޮތަށް ކުރަމުން ގެންދާނެ ކަމަށް ވެސް އާތިފު ވިދާޅުވި އެވެ.