ބާސެލޯނާގެ ކުޅުންތެރިޔާ އަރައޫހޯ ކުލަބުން ބޭރުކުރަން މީގެ ކުރިން އެތަށް މަސައްކަތެއް ކުރުމަށްފަހު، އެންމެ ފަހުން އެކަން ކާޟިޔާޞުކޮށްފިއެވެ. ދަނޑުމަތީގައި ދަށްކާ ދަށް ކުޅުމާއި ހަދާ ގޯސްތަކުގެ ސަބަބުން ބާސެލޯނާގެ ސަޕޯޓަރުންގެ ފަރާތުން ކުރިމަތިވި މަލާމާތާއި ފުރައްސާރައިން ސަލާމަތްވުމަސް މިދިޔަ އަހަރުގެ ނޮވެމްބަރުމަހުގައި އަރައޫހޯ ވަނީ ކުޅުމުން އެކަހެރިވެ، Spiritual ދަތުރެއް ކަމަށްބުނެ ކެރިއަރު ސަލާމަތްކުރުމަށް އިސްރާޢީލަށް ދަތުރެއްކޮށްފައެވެ. ނަމަވެސް އޭގެފަހުންވެސް އަރައޫހޯގެ ކުޅުމަށް މާކަށް ބޮޑު ބަދަލުތަކެއް އައިތަނެއް ނުފެނުނެވެ. މި ޓްރނާސްފާ މާކެޓްގައި ބާސެލޯނާގެ ސަޕޯޓަރުން އަރައޫހޯ ކުލަބުން ބޭރުކުރުމަށް ކުަރާ މަސައްކަތަށް ބޮޑު ކުރިއެރުމެއް ވަނީ ލިބިގެންގޮސްފައެވެ.

ލޯނު އެއްބަސްވުމެއްގެ ދަށުން އަރައޫހޯ ލިވަޕޫލަށް ބަދަލުވުމުގެ މަރުޙަލާ ގަތްގަނޑަކަށް ނިމިފައިވާިއރު، އެއް އަހަރުވަންދެން އަރައޫހޯގެ %100 މުސާރަ ކަވަރު ކުރާނީ ލިވަޕޫލުންނެވެ. އަދި އެއް އަހަރުފަހުން ލިވަޕޫލުން ބޭނުންނަމަ، 55 މިލިޔަން ޔޫރޯއަށް އަރައޫހޯ ކުލަބަށް ދާއިމީކޮށް ސޮއިކުރުމުގެ އިޚުތިޔާރު މި އެއްބަސްވުމުގެ ދަށުން އެކުލަބަށް ލިބިގެންދާނެއެވެ.

Ad by Hajj Corporation

މި ޚަބަރާއެކު ބާސެލޯނާގެ ސަޕޯޓަރުން އަންނަނީ މީސްމީޑިޔާގައި ވަރަށް ބޮޑަށް އުފާފާޅުކުރަމުންނެވެ. އަދިހަމައެހެންމެ ލިވަޕޫލުގެ ގިނަ ސަޕޯޓަރުން ދަނީ މިކަމާ ނުރުހުން ފާޅުކުރަމުްނެވެ.