ސައުދީ އަރަބިއްޔާގެ އަލް ހިލާލްއާ އެކު ހަދާފައިވާ އެއްބަސްވުން ބާތިލުކުރުމަށްފަހު، ހިލޭ ޓްރާންސްފާއެއްގައި ޕޯޗުގަލްގެ ފުލްބެކް ޔާއޯ ކަންސޭލޯ އަލުން ތިންވަނަ ފަހަރަށް ބާސެލޯނާއާ ގުޅެން ނިންމައިފިއެވެ. މި ޑީލް ފައިނަލް ވެފައިވާކަން ކަށަވަރުކޮށްދެމުން ކުޅިވަރު ނޫސްވެރިޔާ ފަބްރީޒިއޯ ރޮމާނޯ ވަނީ މިކަން ހާމަކޮށްފައެވެ.

ބާސެލޯނާއަށް ބަދަލުވުމުގެ އެންމެ ފަހުގެ ކަންކަން ނިންމުމަށްޓަކައި، ކުރިއަށް އޮތް ހަފުތާގެ ކުރީކޮޅު ދަތުރުކުރުމުގެ ރަސްމީ ހުއްދަ ކަންސޭލޯއަށް މިހާރު ވަނީ ލިބިފައެވެ. ރިޕޯޓަރު ފެނާންޑޯ ޕޯލޯ ވެސް ވަނީ މި ޑިފެންޑަރު އަލުން ކެޓަލޯނިއާގެ ކްލަބަށް އެނބުރި ދިޔުމަށް ތައްޔާރުވެފައިވާކަން ކަށަވަރުކޮށްދީފައެވެ.

Ad by Hajj Corporation

ކަންސޭލޯ ވަނީ މިއަހަރުގެ ޖޫން މަހުގެ ތެރޭގައި ބާސެލޯނާއާ އެކު ޒާތީ އެއްބަސްވުންތަކަށް އެއްބަސްވެފައެވެ. އަދި އޭނާ މިހާރު ހުރީ އާ އެއްބަސްވުމުގައި ސޮއިކުރުމަށް ފުރިހަމައަށް ތައްޔާރުވެގެންނެވެ.

އަލް ހިލާލްއާ އެކު އޮތް ކޮންޓްރެކްޓް އުވާލުމާ ގުޅިގެން، އެއްވެސް ޓްރާންސްފާ ފީއަކާ ނުލައި ބާސެލޯނާއިން ވަނީ މި ޑިފެންޑަރު ހޯދާފައެވެ. ކަންސޭލޯ މިހާރު ތައްޔާރުވަމުން ދަނީ ބާސެލޯނާގެ މެޑިކަލް ޓެސްޓުތައް ފުރިހަމަކުރުމަށެވެ.