ކ. ގުރައިދޫގައި ހުންނަ ޚާއްޞަ އެހީއަށް ބޭނުންވާ މީހުންގެ މަރުކަޒަކީ ހުރިހާ ޚިދުމަތްތަކެއް ލިބޭ ފުރިހަމަ "ސްޓޭޓް އޮފް ދި އާޓް" މަރުކަޒަކަށް ބަދަލުކުރުމުގެ މަސައްކަތް ކުރިއަށް ގެންދިއުމަށް ވަޒީރުންގެ މަޖިލީހުން ނިންމަވައިފިއެވެ.

Ad by Hajj Corporation

އާދީއްތަ ދުވަހު ބޭއްވެވި ވަޒީރުންގެ މަޖިލީހުގެ ޖަލްސާގައި މި ނިންމެވުން ނިންމަވާފައިވަނީ، އެ މަރުކަޒު އަޕްގްރޭޑްކުރުމަށް ބޭނުންވާ އެންމެހައި އެހީތެރިކަން ކަމާބެހޭ އެކި ފަރާތްތަކުން ހޯދައިގެން، މި މަޝްރޫޢު ކުރިއަށް ގެންދިއުމަށެވެ.

މާލެ އަތޮޅު ގުރައިދޫގައި ހިންގަމުން އަންނަ ޚާއްޞަ އެހީއަށް ބޭނުންވާ މީހުންގެ މަރުކަޒަކީ ނަފްސާނީ ބަލިތަކަށް ފަރުވާދިނުމާއި، ޚާއްޞަ އެހީތެރިކަމަށް ބޭނުންވާ ފަރާތްތައް ދައުލަތުން ބަލަހައްޓައި އަޅާލުން ފޯރުކޮށްދިނުމަށް ޤާއިމުކޮށްފައިވާ މައި މަރުކަޒެވެ.

މި ނިންމުމާއެކު، މަރުކަޒުގެ ފެންވަރު މަތިކޮށް، އެތަނުން ދެމުން އަންނަ ޚިދުމަތްތައް އިތުރަށް ހަރުދަނާކޮށް ޒަމާނީ ފެންވަރަށް ގެނައުމުގެ އަމަލީ މަސައްކަތްތައް ކަމާގުޅުންހުރި އިދާރާތަކުން ކުރިއަށް ގެންދާނެއެވެ.