މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން އަލަށް އެކުލަވާލާ ދެ ގަވާއިދަކަށް އާންމުންގެ ހިޔާލާއި މަޝްވަރާ ހޯދުމުގެ ފުރުސަތު ހުޅުވާލައިފިއެވެ.

މި ފުރުޞަތު ހުޅުވާލާފައިވަނީ:

Ad by Hajj Corporation

• ފައިނޭންޝަލް ކޮންސިއުމަރ ޕްރޮޓެކްޝަން ރެގިއުލޭޝަން: މިއީ މާލީ ޚިދުމަތްތައް ހޯދާ ފަރާތްތަކުގެ ހައްގުތައް ރައްކާތެރިކޮށް ކަށަވަރުކުރުމަށް ހަދާ ގަވާއިދެކެވެ.
• ސިމްޕްލިފައިޑް އަދި އިލެކްޓްރޯނިކް ކަސްޓަމަރ ޑިއުޑެލިޖަންސް ރެގިއުލޭޝަން: މިއީ މަނީ ލޯންޑަރިން އަދި ޓެރަރިޒަމަށް ފައިނޭންސްކުރުން ހުއްޓުވުމުގެ ގާނޫނުގެ ދަށުން، ކަސްޓަމަރުންގެ ވަނަވަރު ބަލައި ކަށަވަރުކުރުމުގެ މިންގަނޑުތައް ކަނޑައަޅާ ގަވާއިދެކެވެ.

މި ގަވާއިދުތަކަށް ހިޔާލު ހުށަހެޅުމުގެ ސުންގަޑިއަކީ 26 އޮގަސްޓު 2026 ވާ ބުދަ ދުވަހުގެ ހަވީރު 15:00 އެވެ. ހިޔާލުތައް ފޮނުވަންޖެހެނީ އީމެއިލް އެޑްރެހަށެވެ.

އާންމުންގެ އިތުރުން މާލީ އިދާރާތަކާއި ކަމާގުޅޭ މުއައްސަސާތަކުގެ ލަފާވެސް މިކަމުގައި ހޯދުމަށް އެމްއެމްއޭއިން ވަނީ ނިންމާފައެވެ.