މިއަންނަ އަހަރު ގިނަ ބަޔަކަށް ފްލެޓް ލިބޭނެ ކަމަށާއި އޭގެތެރޭގައި ލިސްޓްގައި ނަން ހިމެނި ފްލެޓް އަތުލާފައި ތިބި ގިނަ ބަޔަކު ހިމެނޭނެ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެ އެވެ.

ރައީސް މިމޭރުމުން ވާހަކަ ދައްކަވާފައި ވަނީ "ރައްޔިތުންގެ އަޑު" ސިލްސިލާގެ ދެވަނަ އެޕިސޯޑްގައި ރައްޔިތުންނާ ބައްދަލު ކުރައްވާ ވަހަކަފުޅު ދައްކަވަމުންނެވެ. ރައީސް ވިދާޅުވީ މިހާރު ތަންތަން އަޅަމުންދާ ކަމަށާއި މާލޭ ސަރަހައްދުގެ ގިނަ ބަޔަކަށް ފްލެޓް ލިބިގެންދާނެ ކަމަށެވެ.

Ad by Hajj Corporation

މި އެޕިސޯޑްގައި ވެސް ބައްދަލުކުރި ގިނަ ފަރާތްތަކުގެ އެންމެ ބޮޑު ކަންބޮޑުވުމަކަށް ވެފައި ވަނީ ބޯހިޔާވަހި ކަމުގު މައްސަލައެވެ. މި މައްސަލަ އަށް އަލި އަޅުއްވާލައްވަވާ ވާހަކަފުޅު ދައްކަވަމުން ރައީސް ވިދާޅުވީ މިފަހަރު އެހެން ފަހަރުތަކަށްވުރެ ގޯއްޗާއި ފްލެޓް ލިބޭނެ ކަމުގެ ޔަގީން ބޮޑުވާނެ ކަމަށެވެ. އަދި މިފަހަރު ގޯހެއް ނުހަދާނެ ކަމަށާއި، ބޯހިޔާވަހިކަން ލިބޭ ފަރާތްތައް ކަށަވަރުވެގެންދާނީ ނުފޫޒުން އެކިބާވެގެން ކަމަށް ވެސް ރައީސް ވިދާޅުވި އެވެ. އަދި އެކަމުގެ ޔަގީން ކަން ދެއްވާ ކަމަށް ވެސް އެމަނިކުފާނު ތަކުރާރުކޮށް ވިދާޅުވި އެވެ.