ވެރިކަން ކުރާ ޕާޓީ ޕީއެންސީގެ މަތީ މަޖިލިސްވެގެންދާނީ ބޭރުގެ ފަރާތްތަކާ އިދިކޮޅު ފިކުރުގެ ފަރާތްތަކަށް ވެސް ދައުވަތިދީ، އެންމެ ޑިމޮކްރެޓިކް ހަރަކާތުގެ ގޮތުގައި ކަމަށް ކޮންގްރެސް ޕާޓީގެ ޑެޕިއުޓީ ސެކެޓްރީ ޖެނެރަލް މުހައްމަދު ލަމްއާން ސިފަ ކުރައްވައިފި އެވެ.

އެމްއެމްޓީވީގެ ކޮންގެރެސް ފޯރީގައި ވާހަކަ ދައްކަވަމުން ލަމްއާން ވިދާޅުވީ ކޮންގްރެސް ވެގެންދާނީ ޕީއެންސީގެ ތަސައްވަރަރު ރައްޔިތުންނަށް ވަރަށް ބޮޑަށް ފެނިގެންދާނެ މަތީ މަޖިލީހެއްގެ ގޮތުގައި ކަމަށެވެ. އަދި ފިކުރު ތަފާތު ފަރާތްތަކަށް މަތީ މަޖިލީހުން އިތުރު އެއްޗެއް ދަސްވެގެންދާނެ ކަމަށް ވެސް ލަމްއާން ވިދާޅުވި އެވެ.

Ad by Hajj Corporation

ލަމްއާން ވިދާޅުވީ ރައީސް ޑރ. މުހައްމަދު މުއިއްޒުގެ ފިކުރުކީ އަމާންކަމާއި ހަމަޖެހުން ކަމަށެވެ. އަދި މަތީ މަޖީލީހުގައި ބައިވެރިވާ ފަރާތްތަކުން ވެސް ގެންގުޅުވާނީ އެފިކުރު ކަމަށް އެނާ ވިދާޅުވި އެވެ. ހިޔާލު ތަފާތުވުންތައް ކަންކަމުގައި އުފެދުނު ނަމަވެސް ނިންމުންތައް ނިންމުގައި މެޖޯރިޓީ އަށް ތަބާވާނެ ކަމަށް ވެސް ލަމްއާން ވިދާޅުވި އެވެ.

ޕީއެންސީގެ ކޮންގްރޭސް ބޭއްވުމަށް ނިންމާފައި ވަނީ އަންނަ މަހުގެ 15 ވަނަ ދުވަހުން ފެށިގެން ތިން ދުވަހުގެ ނިޔަލަށެވެ.