ކޮންގެސްއަކީ ސިޔާސީ ގޮތުން އެޅޭ އިތުރު ހަރުފަތެއް ކަމަށާއި ރަނގަޅު ބަޔަކު ނުކުންނާނީ ވާދަވެރިކަމުގެ ތެރެއިން ކަމަށް ހެންވޭރު އުތުރު ދާއިރާގެ ރައްޔިތުން މަޖިލިސް މެމްބަރު އަހުމަދު އައިފާން މިރޭ ވިދާޅުވެއްޖެ އެވެ.

"ކޮންގްރެސް ފޯރި" ޕްރޮގްރާމްގައި ވާހަކަ ދައްކަވަމުން އައިފާން ވިދާޅުވީ ކޮންގެރެސްގެ ސަބަބުން ޕާޓީގެ އާންމު މެމްބަރުންނަށް އިތުރު ހިތްވަރެއް ލިބިގެންދާނެ ކަމަށެވެ. އަދި ކޮންގެރެސްއަކީ ބައިބައިވުން އުފެދޭނެ ކަމެއް ކަމަށް ބައެއް ބޭފުޅުން ސިފަކުރެއްވި ނަމަވެސް އެކަމަކީ އެހެން އޮންނަ ކަމެއް ނޫން ކަމަށާއި ވާދަވެރިކަމުގެ ތެރެއިން ނޫނީ ރަނގަޅު ބަޔަކު ނުނިކުންނާނެ ކަމަށް ވެސް އައިފާން ވިދާޅުވި އެވެ.

Ad by Hajj Corporation

އައިފާން ވިދާޅުވީ ބޭނުންހާ ގޮތަށް ހިތުހުރި ގޮތަކަށް ޑިމޮކްރަސީއާ ހިލާފަށް، ޑިމޮކްރަސީއާ ބީރައްޓެހި ގޮތަކަށް ޕާޓީތައް ހިންގާފައިވާތަން މީގެ ކުރިން ފެނިގެން ގޮސްފައިވާ ކަމަށެވެ. ނަމަވެސް ޕީއެންސީއަކީ ވަރަށް ޑިމޮކްރެޓިކް ވެއްޓެއްގެ ތެރޭގައި މަސައްކަތްކުރާ ޕާޓީއެއް ކަމަށް ވެސް އައިފާން ސިފަ ކުރެއްވެވި އެވެ.