މާލޭގައި މާފަންނު ގެއެއްގެ ތެރޭގައި ގޭސްފުޅިއެއް ލީކުވެ ހިނގި ހާދިސާއެއްގައި އަންހެނަކު ނިޔާވެއްޖެއެވެ.

ފުލުހުން ބުނީ މާފަންނު ދިލްކަޝް ނަމަކަށް ކިޔާ ގެއެއްގައި ގޭސްފުޅިއަކުން ގޭސް ލީކުވެ 2 މީހެއްގެ ހާލު ސީރިއަށް ވެގެން ފުލުހުންނަށް މިއަދު ހެނދުނު 10:34 އެހާކަންހާއިރު ރިޕޯޓް ކޮށްފައިވާ ކަމަށެވެ.

Ad by Hajj Corporation

ހާލުދެރަވެފައިވާ ދެ މީހުންގެ ތެރެއިން އައިޖީއެމް ހޮސްޕިޓަލަށް ގެންދިޔަ މީހާ މަރުވެފައިވާ ކަމަށް ހޮސްޕިޓަލާ ހަވާލާދީ ފުލުހުން ބުންޏެވެ. މަރުވެފައި ވަނީ ދަފްތަރު ނަންބަރު ރސ 6210 / މާލެ، ޒާހިދާ ތައުފީޤު (51އ) ކަމަށް ފުލުހުން މައުލޫމާތުދެއެވެ.

މީގެ އިތުރުން، އެ ހާދިސާގައި ހާލު ދެރަވި 19 އަހަރުގެ އަންހެންމީހާއަށް އޭޑީކޭ ހޮސްޕިޓަލުގައި ފަރުވާ ދެމުން އަންނަ ކަމަށް ފުލުހުން ބުންޏެވެ.

މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.