ބެންގަލޫރުގައި ކުޅުނު ފުރަތަމަ ޓެސްޓް މެޗުގައި ނިއުޒިލޭންޑުގެ ކުރިކެޓް ޓީމް އިންޑިއާ ބަލިކޮށް، 36 އަހަރަށްފަހު އިންޑިއާގެ ބިމުގައި ފުރަތަމަ ޓެސްޓް މެޗް ކާމިޔާބުކޮށްފިއެވެ. މި ކާމިޔާބީއާއެކު ތިން މެޗުގެ ސިލްސިލާގައި ނިއުޒިލޭންޑުން 1-0 އިން ކުރިއަރައިގެން ގޮސްފިއެވެ.ފަސް ދުވަހުގެ މުބާރާތުގެ ފަހު ދުވަހު ނިއުޒިލޭންޑުން 8 ވިކެޓުން މެޗް ކާމިޔާބުކުރިއެވެ. 107 ރަންސް ހޯދުމަށް ކުޅުނު އިނިންގްސްގައި ނިއުޒިލޭންޑުގެ ވިލް ޔަންގް 48 ރަންސް އައުޓް ނުވެ ހުއްޓެވެ. މެޗުގެ ފުރަތަމަ އިނިންގްސްގައި އިންޑިއާ އައުޓްވީ އެ ޤައުމުގެ ޓެސްޓް ތާރީޚުގެ އެންމެ ދަށް ސްކޯއެއް ކަމުގައިވާ 46 ރަންސްގައެވެ. މިއީ އިންޑިއާގައި އެ ޤައުމުން ހޯދި އެންމެ ދަށް ސްކޯއެވެ. ނިއުޒިލޭންޑުގެ މެޓް ހެންރީ 5 ވިކެޓް ނަގައި، އޯރޯކް 4 ވިކެޓް ނެގިއެވެ.އިންޑިއާގެ ދެވަނަ އިނިންގްސްގައި ސަރްފަރާޒް 150 ރަންސް ހޯދައި، ޕަންޓް 99 ރަންސް ހޯދިއެވެ. ނަމަވެސް އިންޑިއާއަށް މެޗް ސަލާމަތް ނުކުރެވުނެވެ. ނިއުޒިލޭންޑުގެ ކެޕްޓަން ޓޮމް ލަތަމް ވިދާޅުވީ މިއީ ފަޚުރުވެރި ވަގުތެއް ކަމަށެވެ. އިންޑިއާގައި ނިއުޒިލޭންޑުން ކުރިން ޓެސްޓް މެޗް ކާމިޔާބުކޮށްފައިވަނީ 1969 ގައި ނާގްޕޫރުގައި އަދި 1988 ގައި މުންބާއީގައެވެ..އިންޑިއާގެ ކެޕްޓަން ރޯހިތް ޝަރްމާ ވިދާޅުވީ ދެވަނަ އިނިންގްސްގައި ޓީމުން ދެއްކި ހިތްވަރުގަދަ ކުޅުމުން ހިތްހަމަޖެހޭ ކަމަށެވެ. އިންޑިއާއިން 2012 އިން ފެށިގެން ގޭގައި ކުޅުނު 18 ޓެސްޓް ސިލްސިލާ ވަނީ ކާމިޔާބުކޮށްފައެވެ.