ފަތަހަ ބަލިކޮށް ކޮމްޕެނީ ޓޭޕްބޯލް މުބާރާތުގެ ޗެމްޕިއަންކަން ހިރާސާ ކެމިސްޓަށް

ހިރާސާ ކެމިސްޓް. ފޮޓޯ: ކްރިކެޓް ބޯޑް

31 މާރިޗު 2025 - 03:11
ކްރިކެޓް ބޯޑް އޮފް މޯލްޑިވްސް (ސީބީއެމް) އިން އިންތިޒާމުކޮށްގެން ބާއްވާ ރަމަޟާން ކްރިކެޓް ކާނިވަލްގެ ކޮމްޕެނީ ޓޭޕްބޯލް މުބާރާތުގެ ޗެމްޕިއަންކަން ހިރާސާ ކެމިސްޓުން ވަނީ ހޯދައިފައެވެ. މި މުބާރާތުގެ ފައިނަލްގައި ހިރާސާ ކެމިސްޓުން ވަނީ ފަތަހަ މޯލް ހަ ވިކެޓުން ބަލިކޮށްފައެވެ.
ކުޅިވަރު އެކުވެނީގެ ކްރިކެޓް ދަނޑުގައި ކުޅުނު ފައިނަލް މެޗުގައި ފުރަތަމަ ކުޅެން އެރި ފަތަހަ މޯލުން އަށް އޯވަރުގައި ހަތް ވިކެޓު ގެއްލިގެން ހެދީ 75 ލަނޑެވެ. އެ ޓީމުގެ ފަރާތުން ރަކީބް ވަނީ އަށް ބޯޅައިން 39 ލަނޑު ހަދައިފައެވެ. ހިރާސާ ކެމިސްޓުގެ ދިނޭޝް އާއި ސިމިއޯން ވަނީ ދެ ވިކެޓު ބެހިގެން ނަގާފައެވެ.
ޖަވާބުގައި ކުޅެން އެރި ހިރާސާ ކެމިސްޓުން ވަނީ ހަވަނަ އޯވަރުގައި ދެ ވިކެޓު ގެއްލިގެން 83 ލަނޑު ހަދައި މެޗު ކާމިޔާބުކޮށްފައެވެ. އެ ޓީމުގެ ފަރާތުން ޕްރިންސް އަށް ބޯޅައިން 36 ލަނޑު ހަދައި، ސަލީމް ނުވަ ބޯޅައިން 23 ލަނޑު ހަދައިފައިވެއެވެ.
މުބާރާތުގެ އެންމެ ގިނަ ލަނޑު ހެދި ކުޅުންތެރިޔާ އަދި އެންމެ ގިނަ ވިކެޓު ނެގި އުކުންތެރިޔާގެ މަގާމު ދެވުނީ ފަތަހަ މޯލްގެ ސައިދުލް އިސްލާމް އަށެވެ. އަދި އެންމެ ގިނަ ބޯޅަ ހިފި ހޮވުންތެރިޔާގެ މަގާމު ހޯދީ އެ ޓީމުގެ ނޫރު އާލަމް އެވެ.
މި އަހަރުގެ ރަމަޟާން ކްރިކެޓް ކާނިވަލްގައި ކުޅުނު އެހެން މުބާރާތްތަކުން، އޯޕަން ޓޭޕްބޯލް މުބާރާތުގެ ޗެމްޕިއަންކަން އެމްއޭސީއެލްއިން ހޯދިއިރު، އޮފީސް ޓޭޕްބޯލް މުބާރާތުގެ ޗެމްޕިއަންކަން ދިވެހި ސިފައިންގެ ކުލަބު (ޑީއެސްސީ) އިން ވަނީ ހޯދާފައެވެ.
އިތުރު ލިޔުންތައް

ނިއުޒިލޭންޑުން އިންޑިއާގައި 36 އަހަރަށްފަހު ފުރަތަމަ ޓެސްޓް މެޗް ކާމިޔާބުކޮށްފި.
6 މަސް ކުރިން
ޗެމްޕިއަންސް ޓްރޮފީ ކްރިކެޓް މުބާރާތުގެ ސެމީ ފައިނަލްގައި ވާދަކުރާނެ ޓީމުތައް ކަށަވަރުވެއްޖެ
މަހެއް ކުރިން
ޗެމްޕިއަންސް ޓްރޮފީގެ ފައިނަލަށް އިންޑިއާ ދަތުރުކޮށްފި
މަހެއް ކުރިން