ޗެމްޕިއަންސް ޓްރޮފީ ކްރިކެޓް މުބާރާތުގެ ތަށި އިންޑިއާއަށް ލިބިއްޖެނަމަ ކެޕްޓަން ރޯހިތު ޝަރުމާ އާއި ވައިސް ކެޕްޓަން ވިރާޓް ކޯލީ ރިޓަޔާކުރާނެ ކަމަށް އިންޑިއާގެ މީޑިއާތަކުން ބުނަން ފަށައިފިއެވެ.37 އަހަރުގެ ރޯހިތް ޝަރްމާ އަކީ ކްރިކެޓް ތާރީޚުގައި އެންމެ މޮޅު އޯޕަނަރުންގެ ތެރެއިން އެކެކެވެ. އޭނާގެ ކެރިއަރުގައި ގިނަ ރެކޯޑުތަކެއް ހިމެނެއެވެ. މީގެ ތެރޭގައި އެއްދުވަހުގެ މެޗެއްގައި އެންމެ މަތީ ސްކޯރު (264 ރަންސް) ހެދުމުގެ ރެކޯޑާއި، އެއްދުވަހުގެ މެޗުތަކުގައި އެންމެ ގިނަ ޑަބަލް ސެންޗަރީ ހެދުމުގެ ރެކޯޑު ހިމެނެއެވެ.މިދިޔަ މަހުގެ 19 ވަނަ ދުވަހު ޕާކިސްތާނުގައި ޗެމްޕިއަންސް ޓްރޮފީ ކްރިކެޓް މުބާރާތަކީ ފެށީ އަށް ގައުމު ދެ ގްރޫޕަކަށް ބަހާލައިގެންނެވެ. މި މުބާރާތުގެ ފައިނަލަށް އިންޑިޔާ ދަތުރު ކުރީ ސެމީ ފައިނަލުގައި އޮސްޓްރޭލިޔާ ބަލިކޮށްފަ އެވެ. ނިއުޒިލެންޑް ފައިނަލަށް އައީ ދެކުނު އެފްރިކާ ބަލިކޮށްފަ އެވެ. އަދި މުބާރާތުގައި މިހާތަނަށް ކުޅުނު އެއްވެސް މެޗަކުން ބަލިނުވާ ހަމައެކަނި ގައުމަކީ ވެސް އިންޑިޔާ އެވެ.

ފައިނަލް މެޗަށް އިންޑިއާ ދަތުރުކުރުމުގައިވެސް މި ދެ ކުޅުންތެރިންގެ ހިއްސާ ބޮޑެވެ.

ޝަރުމާ 29 ބޯޅައިން 28 ލަނޑު ހެދިއިރު، ކޯލީ ވަނީ 98 ބޯޅައިން 84 ލަނޑު ހަދައިފައެވެ. އޮސްޓްރޭލިއާ ޓީމުން އެންމެ ރަނގަޅު ކުޅުމެއް ދެއްކީ 96 ބޯޅައިން 73 ލަނޑު ހެދި ސްމިތާއި 57 ބޯޅައިން 61 ލަނޑު ހެދި ކަރޭއެވެ.

ފައިނަލް މެޗްގައި ރޯހިތް ޝަރްމާ އާއި ވިރާޓް ކޯލީ ފަދަ ތަޖުރިބާކާރު ކުޅުންތެރިންގެ ޕަރފޯމަންސްއަށް ގިނަ ބަޔަކު އަންނަނީ އިންތިޒާރުކުރަމުންނެވެ. ވިރާޓް ކޯލީ މި މެޗުގައި އިތުރު 55 ރަންސް ހޯދައިފިނަމަ، އެއްދުވަހުގެ މެޗުތަކުގައި އެންމެ ގިނަ ރަންސް ހޯދި ދެވަނަ ކުޅުންތެރިޔާގެ މަޤާމު ހޯދޭނެއެވެ.މި މުހިންމު މެޗާ ދިމާކޮށް މަޝްހޫރު ކުޅުންތެރިން ރިޓަޔާކުރާނެ ކަމަށް ވާހަކަދެކެވޭއިރު އިންޑިއާގެ ޒުވާން ކުޅުންތެރިޔާ ޝުބްމަން ގިލް ވަނީ ބުނެފައިވަނީ މި ވަގުތު ހުރިހާ ކުޅުންތެރިންވެސް ވިސްނަނީ ފައިނަލް މެޗާ މެދުގައި ކަމަށެވެ.