ޕެރިސް ސެއިންޓް ޖާމަން (ޕީއެސްޖީ) ޔޫރަޕްގެ ޗެމްޕިއަނުންގެ ގޮތުގައި ބަދަލުކޮށްދިނުމަށްފަހު، އެ ކްލަބުގެ ހެޑް ކޯޗުގެ މަގާމުގައި 2030 ވަނަ އަހަރުގެ ނިޔަލަށް ހުރުމަށް ލުއިސް އެންރީކޭ އެއްބަސްވެ ކޮންޓްރެކްޓް އައުކޮށްފިއެވެ.

ސްޕެއިނަށް ނިސްބަތްވާ އެންރީކޭ 2023 ވަނަ އަހަރު ޕީއެސްޖީއާ ހަވާލުވި ފަހުން، އޭނާ ވަނީ އެ ކްލަބާއެކު ޖުމްލަ 12 ތަށި ކާމިޔާބުކޮށްފައެވެ. މީގެ ތެރޭގައި ލީގު 1 ގެ ތިން ތަށްޓާއި، ޔުއެފާ ޗެމްޕިއަންސް ލީގުގެ ދެ ތަށި، ޔުއެފާ ސުޕަ ކަޕް ދެ ފަހަރު، ފްރެންޗް ސުޕަ ކަޕް ދެ ފަހަރު، ފްރެންޗް ކަޕް ދެ ފަހަރު އަދި ފީފާ އިންޓަކޮންޓިނެންޓަލް ކަޕް ހިމެނެއެވެ.

Ad by Hajj Corporation

އެންރީކޭގެ އެންމެ ބޮޑު ކާމިޔާބީއަކަށް ވެގެންދިޔައީ 2025 ވަނަ އަހަރު ޕީއެސްޖީގެ ތާރީޚުގައި ފުރަތަމަ ފަހަރަށް ޗެމްޕިއަންސް ލީގުގެ ތަށި އުފުލައިލުމެވެ. އަދި އޭގެ ފަހުން 2026 ވަނަ އަހަރު ވިދިވިދިގެން ދެވަނަ ފަހަރަށް ޔޫރަޕްގެ އެންމެ ޝަރަފުވެރި ތަށި އެ ޓީމަށް ހޯދައިދިނުމުގައި ވެސް އެންރީކޭ ވަނީ އިސް ދައުރެއް އަދާކޮށްފައެވެ.

މި އައު އެއްބަސްވުމަކީ ޕީއެސްޖީގެ ތާރީޚުގައި ފެނިގެންދިޔަ އެންމެ ކާމިޔާބު ދުވަސްވަރުގެ އަގުވަޒަންކުރުމުގެ ގޮތުން ދެވުނު އިނާމެކެވެ. މި އެއްބަސްވުމާއެކު އެންރީކޭ ޕާކް ޑެސް ޕްރިންސަސްގައި 2030 ވަނަ އަހަރާ ހަމައަށް ދެމިހުންނާނެއެވެ.