ސަރުކާރުގެ ޚަރަދުތައް ކުޑަކުރުމަށްޓަކައި ވެއަތުވި ތިން މަސްތެރޭ 205 ސިޔާސީ މުވައްޒަފުން މަގާމުތަކުން ވަކިކޮށްފައިވާކަމަށް ރައީސުލްޖުމްހޫރިއްޔާގެ އޮފީހުގެ ތަރުޖަމާނު މުޙައްމަދު ހުސައިން ޝަރީފު ވިދާޅުވެއްޖެއެވެ.

ދައުލަތުގެ މީޑިޔާ އަށް ދެއްވި އިންޓަވިއުއެއްގައި މުންދު ވިދާޅުވީ، ސަރުކާރުގެ ޚަރަދު ކުޑަކުރުމުގެ ސިޔާސަތުގެ ދަށުން، 4 މަޤާމެއްގައި ތިބި 205 ސިޔާސީ މުވައްޒަފުން ވަކިކޮށްފައިވާ ކަމަށެވެ. އަދި ކުރިޔަށް އޮތްތާ ވެސް މި ސިޔާސަތުގެ ދަށުން އިތުރު މުވައްޒަފުން ވަކި ކުރަމުންދާނޭ ކަމަށް އޭނާ ވިދާޅުވި އެވެ.

Ad by Hajj Corporation

މިގޮތުން ވަކިކުރި މުވައްޒަފުންގެ ތެރޭގައި ހިމެނެނީ ސްޓޭޓް މިނިސްޓަރުންނާއި، ޑެޕިއުޓީ މިނިސްޓަރުންނާއި، ސީނިއާ ޕޮލިޓިކަލް ޑިރެކްޓަރުންގެ އިތުރުން ޕޮލިޓިކަލް ޑިރެކްޓަރުންގެ ފަންތީގައި ތއްބެވި ބޭފުޅުންނެވެ.

މި މަސައްކަތް އަދި ނުނިމޭ ކަމަށާއި، ކުރިއަށް އޮތް ތަނުގައިވެސް އިތުރު މުވައްޒަފުން ވަކިކުރަމުން ގެންދާނެ ކަމަށާއި، މި ބަދަލުތައް ނިމިގެންދާއިރު މި ސަރުކާރުން ވަޒީފާތަކަށް ވެއްދި މީހުންގެ އަދަދަށްވުރެ ބޮޑު އަދަދެއް އުނިވެގެންދާނެ ކަމަށް މުންދު ވިދާޅުވި އެވެ.

ސަރުކާރުގެ ޚަރަދުތައް ކުޑަކުރުމަށްޓަކައި ދައުލަތުގެ ކުންފުނިތައް (އެސްއޯއީ) ހިންގާގޮތް ބަދަލުކޮށް، ހަރުދަނާ ފިޔަވަޅުތަކެއް އެޅުމަށް ޕީސީބީން ވެސް ވެސް ވަނީ އެކުންފުނިތަކަށް އަންގާފަ އެވެ.