މޫދު ވިނަ އެކްސްޕޯޓް ކުރުމަކީ ފުޅާ ކުރެވިދާނެ ކަމެއް ކަމަށާއި އެކަމަށް ހާއްސަ އިސްކަމެއްދީގެން ފުޅާ ކުރަން ސަރުކާރުން ބޭނުންވާ ކަމަށް މަސްވެރިކަމާ ބެހޭ ވުޒާރާގެ ސްޓޭޓް މިނސްޓަރު އައިމިނަތު ހުސެއިން ޝަރީފު ވިދާޅުވެއްޖެ އެވެ.

މެންދުރު ޓީވީގެ މައުލޫ ޕްރޮގްރާމްގައި ވާހަކަ ދައްކަވަމުން ސްޓޭޓް މިނިސްޓަރު ވިދާޅުވީ މޫދު ވިނަ ހެއްދުމުގެ މަސައްކަތުގައި އަންހެނުންނަށް އަމާޒުކޮށް، ގިނަ ވަޒީފާގެ ފުރުސަތުތަކެއް ހޯދައިދެވިދާނެ ކަމަށެވެ. އަދި މިނިސްޓްރީން ހުޅުވާލާފައިވާ "އާރުވެރި މެޗިންގް ގްރާންޓް" ގައި ވެސް މޫދު ވިނަ ހައްދައިން ބޭރު ކުރާ ފަރާތްތަކަށް އިސްކަމެއް ދޭނެ ކަމަށް ވެސް އައިމިނަތު ޝަރީފު ފާހަގަ ކުރެއްވެވި އެވެ.

Ad by Hajj Corporation

ސްޓޭޓް މިނިސްޓަރު އައިމިނިތު ޝަރީފު ވިދާޅުވީ މަސްވެރިކަމުގެ ސިނާއަތް ކުރިއެރުވުމަށްޓަކައި ސަރުކާރުން ވަރަށް ބޮޑު އިސްކަމެއްދީގެން މަސައްކަތްތަކެއް ކުރަމުން އަންނަ ކަމަށެވެ.