ޕީއެންސީ މަތީ މަޖީލީހަށް އެހެން ޕާޓީތަކުގެ ލީޑަރުންނާއި ކުރީގެ ރައީސުންނަށް ދައުވަތު ދީފައިވާނެ ކަމަށާއި ޒާތީ ކަމެއް ނެތި ވަޑައިގެންނެވުމަށް ރައްޔިތުން މަޖިލީހުގެ ހުޅުދޫ ދާއިރާ މެމްބަރު މުހައްމަދު ޝާހިދު ވިދާޅުވެއްޖެ އެވެ.

ކޮންގެރެސް ފޯރި ޕްރޮގްރާމްގައި ވާހަކަ ދައްކަވަމުން ޝާހިދު ވިދާޅުވީ ޒާތީ ހަސަދަވެރި ކަމެއް ނެތި ޕީއެންސީ މަތީ މަޖިލީހަށް އައުމުން ޕާޓީ ހިނގާގޮތް އެ ބޭފުޅުންނަށް ރަނގަޅަށް އެނގި ވަނޑައިގަންނަވާނެ ކަމަށެވެ. އަދި ވަރަށް ގިނަ ކަންކަމެއް އެ ބޭފުޅުންނަށް ދަސްވެގެންދާނެ ކަމަށް ވެސް އޭނާ ވިދާޅުވި އެވެ.

Ad by Hajj Corporation

ޝާހިދު ވިދާޅުވީ ލީޑަރަކަށް ވާންޖެހޭނީ ހަމައެކަނި ވެރިކަމަށް އަންނަވީމަ އެކަނި ނޫން ކަމަށެވެ. އަދި އޭގެ ކުރިން ވެސް ލީޑަރުން ތިބެންވާނީ ލީޑަރުންގެ ގޮތުގައި ކަމަށް ވެސް އޭނާ ވިދާޅުވި އެވެ. އަދި މިހާރު ޒަމާން ބަދަލުވެއްޖެ ކަމަށާއި ޕާޓީތައް ހިންގާ ގޮތާ ވައްޓަފާޅި ވެސް ބަދަލުވެފައިވާ ކަމަށް ވެސް އޭނާ ސިފަކުރެއްވެވި އެވެ.

ޕީއެންސީ ވަނީ އެޕާޓީގެ މަތީ މަޖިލީހުގައި ބައިވެރިވުމަށް ބޭރުގެ މަމްދޫބުންނާއި ބައެއް ގައުމުތަކުގެ ސަފީރުންނަށް ވެސް ދައުވަތުދޭން ނިންމާފަ އެވެ.