މާލޭ ސަރަހައްދުގައި ދުއްވާ ވެހިކަލްތައް މުސްކުޅި ކުރުމަށް އަމަލު ކުރާނީ ތިން އަހަރު ފަހުން ކަމަށާއި ވެހިކަލް އެއް މުސްކުޅި ކުރަންޖެހޭ ހާލަތުގައި އެކަށީގެންވާ ބަދަލެއް ދޭނެ ކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެ އެވެ.

ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން މިނިސްޓަރު ސައީދު ވިދާޅުވީ ވެހިކަލް މުސްކުޅި ކުރާއިރު ރައްޔިތުންނަށް ތަކުލީފެއް އުފުލަން ނުޖެހޭނެ ގޮތަކަށް ކަންކަން އިންތިޒާމު ކުރުމަށް ވިސްނާފައިވާ ކަމަށެވެ. އެގޮތުން ތާޑްޕާޓީކޮށް ނަމަވެސް އެ ވެހިކަލަކަށް ލިބެންޖެހޭ އަގު ލިބޭނެ އިންތިޒާމު ހަމަޖައްސަވައި ދެއްވާނެ ކަމަށް ވެސް މިނިސްޓަރު ސައީދު ފާހަގަ ކުރެއްވެވި އެވެ.

Ad by Hajj Corporation

ސައީދު ވިދާޅުވީ މާލޭގެ ޓްރެފިކް މައްސަލަ ހައްލު ކުރުމަށް ސްކޫލް ބަހުގެ ހިދުމަތާއި ސަރުކާރު އޮފީސްތަކަށް މީހުން އުފުލުމަށް ހާއްސަ ބަސްދަތުރުތަކެއް ހަމަޖެއްސުމަށް ވެސް މަޝްވަރާތަކެއް ކުރަމުން އަންނަ ކަމަށެވެ. އަދި މިފަދަ އިންތިޒާމުތައް ހަމަޖައްސަނީ ރައްޔިތުންގެ ސަލާމަތާ ރައްކާތެރިކަން ކަށަވަރު ކުރަން ކަމަށް ވެސް މިނިސްޓަރު ސައީދު ވިދާޅުވި އެވެ.